Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Акцыя ля беларускай амбасады ў Празе 16:00, 25/03/2003
25 сакавіка ля беларускай амбасады ў Празе сабраліся прадстаўнікі беларускіх арганізацый Чэхіі, беларускага студэнства, грамадзяне Беларусі і іх украінскія калегі. Прысутныя выказалі рашучы пратэст супраць дыктатарскага рэжыму ў Беларусі, супраць так званага «единения Беларуси и России», патрабавалі спыніць перасьлед беларускіх грамадзян па палітычных матывах, паведамляе прэсавая служба Зьвязу беларусаў замежжа.
Быў зачытаны супольны зварот Зьвязу беларусаў замежжа і культурніцка-адукацыйнай суполкі “Скарына” да беларускага грамадства з заклікам адчуць адказнасьць за лёс беларускай дзяржавы і народу і ўсімі магчымасьцямі бараніць незалежнасьць Беларусі.
Прадстаўнікі беларускай амбасады не знайшлі магчымасьці адгукнуцца на званкі ў дзьверы з мэтай перадаць Зварот і сустрэцца з землякамі. Больш таго, жалюзі на вокнах амбасады заставаліся зычыненымі, нягледзячы на сярэдзіну дня і тыдня. Гэта дае падставы меркаваць, што беларускія дыпляматы ў Чэхіі таксама вызнаюць Дзень Незалежнасьці сьвятам, таму аўторак 25 сакавіка 2003 года зрабілі сваім выходным днём…
