Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
З 1 красавiка кошт пуцёвак у санаторыi, прафiлякторыi й дамы адпачынку павысiцца на 6 адсоткаў — пра гэта ў гутарцы з карэспандэнтам «Звязды» паведамiў намесьнiк кiраўнiка Рэспублiканскага цэнтру па аздараўленьні й санаторна-курортным лячэньні насельнiцтва Мiкалай Лукашэвiч.
Такiм чынам, з наступнага месяца кошт пуцёвак у беларускiя здраўнiцы будзе вагацца ў сярэднiм у межах 350—400 тыс., а ў здраўнiцы за межамi краiны — у межах 700—800 тыс. рублёў. Пры гэтым, як мяркуюць у Рэспублiканскiм цэнтры, не выключана, што ў блiжэйшы час зьявiцца рашэньне аб некаторым зьмяненьнi парадку аплаты грамадзянамi сабекошту пуцёвак у залежнасьцi ад узроўню даходаў. У прыватнасьцi, зараз ёсьць прапанова зьменшыць верхнюю «планку» аплаты сабекошту з 90 да 80 адсоткаў.
