У Міністэрстве адукацыі падлічылі “кошт” школьніка :: Хартыя'97 :: Навiны

Як вядома, добрая адукацыя каштуе грошай. І немалых. Да 2006 году выдаткі дзяржавы на адукацыю складуць 10 адсоткаў ВУП. Да слова, зараз яны роўныя 7 адсоткам. Зрэшты, і гэтая велічыня значная, улічваючы, што на 2003 год на патрэбы адукацыйнай сфэры пойдзе чвэрць рэспубліканскага і каля траціны мясцовых бюджэтаў. Паводле намесьніка міністра адукацыі Казіміра Фарыно, навучаньне аднаго дашкольніка абыходзіцца дзяржаве ў 715 тысячаў рублёў у год, школьнік “каштуе” 459 тысячаў, навучэнец ПТУ – 759 тысячаў, вывучыць аднаго студэнта яшчэ даражэй -- на гэта штогод патрабуецца 1,3 мільёны.

Зрэшты, як сьцьвярджае кіраўніцтва міністэрства, грошай усё адно не хапае, таму сёньня школам і ВНУ прапануецца зарабляць самім. Аднак не сьпяшайцеся ад страху ахаць. Пра пераход на самафінансаваньне размовы ня йдзе. Яшчэ адна прыемная навіна: грошы на выплату настаўніцкіх заробкаў і студэнцкіх стыпэндыяў, а таксама на харчаваньне школьнікаў будуць паступаць. На сёньня існуе невялікая запазычанасьць па заробках. Але, як запэўніваюць у Міністэрстве адукацыі, да канца месяца з настаўнікамі разьлічацца.

Несумненна, выдаткі на адукацыю ў бліжэшую будучыню немалыя. Адно толькі адкрыцьцё гімназіяў у кожным раёне ўляціць у капеечку. Зрэшты, гэтыя выдаткі плянуецца пакрыць за кошт сродкаў, вызвалеых у выніку рэструктурызацыі школьнай сеткі. Дарэчы выдаткі ў бюджэт на рамонт таксама адкладзеныя. Аднак, калі дырэктар пажадае адрамантаваць школу пад “эўра”, то яго аплочваць бацькі з уласнай кішэні не павінны.