Пазыцыі Беларусі й Кубы па шэрагу актуальных пытаньняў падобныя :: Хартыя'97 :: Навiны

У Беларусі й Кубы падобныя пазыцыі па шэрагу актуальных пытаньняў сучаснасьці. Пра гэта заявіў у суботу міністар замежных справаў Беларусі Сяргей Мартынаў, прымаючы міністра замежных справаў Кубы Фэліпэ Пэрэса Роке.

Мартынаў адзначыў таксама дынамічны характар разьвіцьця беларуска-кубінскіх адносінаў, што паводле яго, “сьведчыць пра блізкасьць погядаў дзьвюх краінаў аднсона рэаліяў сучаснага сьвету”. У прыватнасьці, падкрэсьліў кіраўнік беларускай замежнапалітычнай супольнасьці па безумоўнай адмене эканамічнай блякады ЗША адносна Кубы.

Фэліпэ Пэрэс Роке ў сваю чаргу адзначыў, што Беларусь зьяўляецца адной з краінаў, адносіны зь якой заўсёды адрозьніваліся высокім узроўнем даверу й ўзаемаразуменьня, і запэўніў Сяргея Мартынава, што Беларусь заўсёды можа разьлічваць на падтрымку кубінскага кіраўніцтва.

Бакі абмеркавалі шырокае кола пытаньняў, у тым ліку стан і пэрспэктывы двухбаковых адносінаў, супрацоўніцтва ў рамках міжнародных арганізацыяў, уключна з рухам недалучэньня, узаемадзеяньне дьвюх краінаў на міжнароднай арэне на тле апошніх падзеяў, якія адбываюцца ў свеце.