Масква заключыла дамовы на пастаўку 17 тыс. тонаў беларускага мяса :: Хартыя'97 :: Навiны

Дамовы на пастаўку ў 2003 годзе зь Беларусі ў Маскву каля 6 тыс. тонаў мясапрадуктаў і 1 тыс. тонаў мяса падпісаныя ў час міжнароднай выставы-кірамашу “Мяса й мясапрадукты”, якая ў праходзіла ў расейскай сталіцы. Як паведамілі ў амбасадзе Беларусі ў Расеі, праведзеныя таксама “папярэднія перамовы й кансультацыі з замежнагадлёвымі фірмамі Масквы аб далейшым заключэньні дамоваў на пастаўку яшчэ каля 14 тыс. тонаў беларускага мяса”.

Паводле беларускае амбасады, у выставе-кірмашы “Мяса й мясапрадукты” прымалі ўдзел мясакамбінаты й жывёлагадоўчыя комплексы Казахстану, Расеі, Беларусі й Украіны. Галоўнай мэтай гэтага мерапрыемства было забесьпячэньне насельніцтва Масквы “таннымі й якаснымі” мясапрадуктамі. “Прадукцыя беларускіх мясакамбінатаў карысталася вялікім посьпехам у закупачных арганізацыяў і жыхароў расейскае сталіцы”, - паведаміў прадстаўнік амбасады.

Зь беларускіх вытворцаў у Маскве прадстаўляі сваю прадукцыю Віцебскі, Бярозаўскі (Берасьцейская вобласьь), Слуцкі й Барысаўскі (Менская вобласьць) мясакамбінаты, а таксама рэспубліканскае аб’яднаньне “Галоўжыўпрам”.