Больш за 90 адказчыкаў праходзяць па справе аб нястачы на ААТ «Палесьсе» :: Хартыя'97 :: Навiны

У Пінску пачаўс я судовы працэс, аказчыкамі па якім праходзяць больш за 90 чалавек. Усе яны -- матэрыяльна адказныя асобы ААТ “Пінскае вытворча-тэхнічнае аб’яднаньне “Палесьсе”. У час апошняе рэвізіі на складзе гатовай прадукцыі прадпрыемствы, якія падлягяюць праверцы, не далічыліся вырабаў павышанага попыту на суму 113 мільёнаў рублёў. Пошукі злодзеяў посьпеху не прынесьлі. Да гэтага часу застаецца невысьветленым, як такое магло адбыцца на рэжымным прадпрыемстве, перадае БелаПАН.

Пракуратура Менску, абараняючы інтарэсы дзяржавы, у рукох якога знаходзіцца кантрольны пакет акцыяў аб’яднаньня “Палессе”, сумесна з адміністрацыяй прадпрыемства ініцыявала судовы працэс па спаганьні нястачы з матэрыляьна адказных асобаў. Такіх тут больш за 90 чалавек --начальнікі цэхаў, майстры, кладаўшчыкі, грузчыкі і гэтак далей. Калі падзяліць паміж імі 113 мільёнаў рублёў, якіх недастае, то кожнаму давядзецца сплаціць больш за мільён. Аднак работнікі лічаць сябе невіноўнымі і абвінавачваюць кіраўніцтва аб’яднаньня.

Адным з аргумэнтаў адкзачыкаў, напрыклад, зьяўляюцца тыя абставіны, што рэвізія на складох гатовай прадукцыі не паводзілася цягам двух з паловаю гадоў, хаця яе рэшткі павінны зьвяраццца штогод. Паколькі ў пінскім Доме правасудзьдзя няма залі, які б зьмесьціць такую колькасьць удзельнікаў працэсу, судовыя паседжаньні вырашана праводзіць непасрэдна на прадпрыемстве.