Пуцін і Лукашэнка сустракаліся 24 разы :: Хартыя'97 :: Навiны

26 сакавіка споўнілася роўна тры гады з таго моманту, як Уладзімер Пуцін перамог на прэзыдэнцкіх выбарах у Расеі. Як паведамляе тэлекампанія НТВ, на мінулым тыдні СМІ актыўна падсумовалі розныя вынікі, прысьвечаныя гэтай даце, у тым ліку і статыстычныя. Як падлічыў часопіс “Коммерсантъ-Власть”, за час свайго прэзыдэнцтва Ўладзімер Пуцін часьцей за іншыя краіны бываў ва Ўкраіне (7 разоў), а таксама ў Беларусі й Нямечыне (па 5 разоў). Кіраўніку дзяржавы таксама часта даводзіцца сустракацца з рознымі палітыкамі. З расейскіх палітыкаў на прыёме ў Пуціна часьцей за ўсё бываў Міхаіл Касьянаў --118 разоў. З замежных Аляксандар Лукашэнка – 24 разы.

Прэзыдэнцтва, зрэшты, гэта ня толькі афіцыйныя сустрэчы, але і свецкія мерапрыемствы. За тры гады Ўладзімер Пуцін усклаў 44 вянкі, агледзіў 24 помнікі архітэктуры, наведаў 9 спэктакляў і пасадзіў 4 дрэвы. Што тычыцца палітычнага лексыкону, то, згодна дасьледаваньню “Власти”, любімымі словамі кіраўніка расейскае дзяржавы зьяўляюцца “Россия”, “Сфера”, “Пробема” і “Безопастность”.