Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
31 сакавіка, у першы дзень сэсіі ПАРЭ, генэральны сакратар Рады Эўропы Вальтэр Швімэр прыняў намесьніка старшыні Аб’яднанай грамадзянскай партыі Яраслава Раманчука. Палітыкі абмеркавалі сытуацыю ў Беларусі ў час і пасьля мясцовых выбараў. В.Швімэра зацікавіла ацэнка Офісу АБСЭ мясцовых выбараў і стаўленьне дадзенай арганізацыі да хвалі апошніх арыштаў удзельнікаў мірных дэманстрацыяў. Я.Раманчук паведаміў Генэральнаму сакратару пра пазыцыю палітычных партыяў, шматлікіх удзельнікаў мясцовых выбараў, але яму давялося канстатаваць, што дакумэнту ці заявы, якія б ацэньвалі характар і ход мяцовых выбараў, пакуль няма.
Сёньня працягвалася інтэнсыўная праца намесьніка старшыні АГП Яраслава Раманчука на сэсіі Парлямэнцкай асамблеі Рады Эўропы ў Старзбургу. Раніцай намесьнік старшыні АГП сустрэўся з старшынёй палітычнага камітэту ПАРЭ Рманам Якічам. Палітычны камітэт зьяўляецца асноўнай структураю Асамблеі па выпрацоўцы рашэньняў па палітычных пытаньнях. Стварэньне адмысловага падкамітэту па Беларусі – гэта сьведчаньне таго, што краіна зьяўляецца адным з прыярытэтаў дадзенай структуры і ПАРЭ у агуле. Р.Якіч гэта й пацьвердзіў: “Для нас Беларусь застаецца адной з самых важных нявырашаных праблемаў. Мы расчараваныя тым, як прайшлі мясцовыя выбары ў Беларусі і занепакоеныя тымі арыштамі, якія мелі месца ў Беларусі ў сакавіку. Мы сочым за разьвіццьём сытуацыі ў вашай краіне. Падкамітэт на чале з Ёнансам Чэкуолісам плянуе стала інфармаваць дэпутатаў ПАРЭ пра тое, што адбываецца ў Беларусі”.
Амэрыканскі Дзярждэпартамэнт агучыў штогадовы даклад аб стане з правамі чалавека ў розных краінах сьвету. Прэзэнтацыя дадзенага дакладу адбылася ўчора ў амбасадзе ЗША ў Менску. Нямала месца ў дакладзе прысьвечана маштабным парушэньням правоў чалавека ў Беларусі. Даклад Дзярждэпартамэнту ЗША па правох чалавека ў Беларусі будзе даступны на нашым сайце пакуль на ангельскай мове (http://www.state.gov/g/drl/rls/hrrpt/2002/18354.htm). Як толькі будзе гатовы пераклад гэтага аб’ёмнага дакумэнту, ён таксама будзе апублікаваны ў нас. Пакуль мы прапануем Вам азнаёміцца з тэкстам уступу беларускай часткі дакладу Дзярждэпу ЗША.
Кангрэс ЗША зьбіраецца прыняць “Акт аб дэмакратыі ў Беларусі”, паведамляе “Независимая газета”. Фактычна, як лічыць газэта, гэта будзе азначаць тое, што беларускі лідэр Аляксандар Лукашэнка стане ў вачох амэрыканцаў другім Садамам Хусэйнам.
Аляксандар Лукашэнка лічыць мэтазгодным правесьці напярэдадні чарговага паседжаньня Вышэйшай дзяржаўнай рады «саюзнае дзяржавы» Беларусі й Расеі, прызначанага на канец красавіка – пачатак траўня, сустрэчу з Уладзімерам Пуціным. Як паведаміла прэс-служба кіраўніка дзяржавы, такую думку Лукашэнка выказаў 1 красавіка, прымаючы з дакладам старшыню «палаты прадстаўнікоў» Вадзіма Папова.
Суд над председателем Стачкома предпринимателей Республики Беларусь Валерием Левоневским перенесен на завтра, на 12.00. До суда Валерий Левоневский будет находиться под стражей. Такое решение вынес сегодня судья Советского суда Минска Руслан Козодоев.
Сёньня ранкам агенцтва БЕЛТА распаўсюдзіла паведамленьне, у якім просіць сваіх кліентаў разглядаць як фальшыўку інфармацыю пра тое, што прэм’ер-міністар Беларусі падаў у адстаўку. “Інфармацыя, якая распаўсюджваецца за подпісам “Аліна Грышкевіч – БЕЛТА”, у якой ідзе гаворка пра тое, што нібыта Навіцкі падаў заяву аб адстаўцы, -- фальшыўка, а магчыма й правакацыя. Ня выключаецца, што будуць і іншыя правакацыйныя паведамленьні пад “сьцягам” 1 красавіка, якія могуць паступіць да вас нібыта па каналах БЕЛТА. У нас канал адзін -- штодзённая стужка навінаў. Усё, што ідзе па-за стужкаю, - прадукцыя не нашая”, -- гаворыцца ў паведамленьні.
Эўрапейскі зьвяз “вельмі занепакоены пагаршэньнем сытуацыі з правамі чалавека ў Беларусі”. Пра гэта гаворыцца ў “Заяве Эўразьвязу адносна парушэньняў свабоды слова ў Беларусі”, зробленым 31 сакавіка. У дакумэнце ў чарговы раз выказваецца занепакоенасьць сябраў Эўрапейскага зьвязу адносна фактаў арыштаў і зьняволеньня “некаторых удзельнікаў мірных дэманстрацыяў, якія прайшлі ў Менску ў апошні час”.
31 сакавіка адкрылася вясновая сэсія ПАРЭ, галоўнымі пытаньнямі пленарнага паседжаньня якой былі праблема Чачэніі й вайна ў Іраку. Між тым, сытуацыя ў Беларусі застаецца пад кантролем ня толькі адмысловых камісіяў, створаных у рамках Палітычнага камітэту й Камітэту па юрыдычных пытаньнях і правох чалавека, але і асноўных палітычных групаў ПАРЭ і кіраўніцтва дадзенай структуры. У першы дзень сэсіі намесьнік старшыні Аб’яднанай грамадзянскае партыі Беларусі Яраслаў Раманчук правёў шэраг сустрэчаў, на якіх абмяркоўвалася сытуацыя ў Беларусі пасьля мясцовых выбараў, а таксама стан справаў з правамі чалавека, свабодай СМІ, асабліва пасьля адкрыцьця офісу АБСЭ ў Менску.
31 сакавіка ля беларускай амбасады ў Вільні адбыўся пікет, арганізаваны сябрамі фракцыі кансэрватараў Сэйму Літвы ў знак пратэсту супраць рэпрэсіяў, якім падвяргаліся ўдзельнікі апошніх масавых акцыяў апазыцыі ў Менску.
Візыт міністра замежных справаў Кубы Фэліпэ Пэрэса Рокэ актывізуе беларуска-кубінскія адносіны. Упэўненасьць у гэтым выказаў Аляксандар Лукашэнка, прымаючы 31 сакавіка кіраўніка кубінскага замежнапалітычнага ведамства.
Слабадан Мілошавіч, былы прэзыдэнт Югаславіі, які абвінавачваецца ў ваенных злачынствах, генацыдзе й злачынствах супраць чалавецтва ў Харватыі, Босьніі й Косава, у панядзелак зноў стане перад Міжнародным трыбуналам у Гаазе.
(адноўлена 11-50)
Старшыня Страйкаму прадпрымальнікаў Рэспублікі Беларусь Валеры Леванеўскі арыштаваны сёньня раніцай за ўдзел 12 сакавіка ў Народным маршы “За лепшае жыцьцё!”. Сёньня над прадпрымальнікам ў Савецкім судзе сталіцы павінен прайсьці суд. Пра гэта прэсаваму цэнтру Хартыі паведамілі ў РУУС Савецкага раёну Менску.
За першыя два месяцы сёлетняга году ўзровень злачыннасьці сярод непаўнагадовых у Менску вырас на 41 адсотак. Усяго з удзелам падлеткаў было зьдзейсьнена 220 злачынстваў. Такія несуцяшальныя лічбы 31 сакавіка на апэратыўнай нарадзе ў мэрыі паведаміў намесьнік старшыні Менгарвыканкаму Міхаіл Пятрушын. Паводле яго, кожны чацьвёрты малады правапарушальнік -- жыхар Заводзкага раёну сталіцы.
Інфляцыя ў сакавіку можа стаць вышэй за лютаўскую. Паводле дадзеных, атрыманых БелаПАН у Міністэрстве статыстыкі й аналізу, з 1 па 25 сакавіка спажывецкія кошты ў Беларусі вырасьлі на 1,9 адсоткі. На столькі сама павялічыліся й кошты за ўвесь люты.
Запазычанасьць за энэргарэсурсы ў Беларусі за студзень 2003 году павялічылася на 0,7% і склала 3,5 трлн.бел.руб., уключна з унутрырэспубліканскімі разьлікамі, паведамілі «Интерфаксу» ў Міністэрстве статыстыкі і аналізу.
Беларусь і надалей будзе аказваць падтрымку Кубе ў яе барацьбе за сувэрынітэт, свабоды выбару разьвіцьця і адмену эканамічнай блякады з боку ЗША. Пра гэта заявіў прэм’ер-міністар Беларусі Генадзь Навіцкі 31 сакавіка ў Менску на сустрэчы з міністрам замежных справаў гэтай краіны Феліпэ Пэрэсам Роке.
Менскі гарадзкі суд не задаволіў скаргу тэлевядучага Яўгена Новікава на рашэньне суда Першамайскага раёну сталіцы па справе Саюзу Хрысьціянаў веры эвангельскай (ХВЭ) у Рэспубліцы Беларусь і супольнасьці ХВЭ гораду Старыя Дарогі (Менская вобласьць).
ЗАТ “Маскоўскі півабезалькагольны камбінат “Очаково” адмовілася ад набыцьця Берасьцейскага піўзаводу, заявіў прэзыдэнт кампаніі Аляксей Кочатаў на прэс-канфэрэнцыі ў Маскве. “Берасьцейскі праект пакуль закрыты”, -- сказаў ён. Гэта зьвязана з намерам беларускага ўраду правесьці рэформу ў броварнай прамысловасьці, якая прадугледжвае адмову ад замежных інвэстыцыяў і перадачу дзяржпакетаў акцыяў піўзаводаў у даверчае кіраваньне “Прыорбанку”, патлумачыў Кочатаў у інтэрвію “Интерфаксу”.
Руководитель профсоюза работников автосельхозмаша Александр Бухвостов не знает способа, каким министр промышленности Анатолий Харлап будет исполнять получение Александра Лукашенко о снятии его с профсоюзной должности. Неординарное поручение было дано на семинаре с руководителями республиканских и местных государственных органов по вопросам идеологии. Министр должен выполнить поручение в течение двух месяцев.
Учора ў Берасьці прайшло паседжаньне калегіі мытнага камітэту саюзнае дзяржавы Расеі й Беларусі. Кіраўнікі мытных ведамстваў дзвюх дзяржаваў Міхаіл Ванін і Аляксандар Шпілеўскі аб’явілі пра пачатак апэрацыі “Беларускі транзыт”, мэта якога – барацьба з кантрабандай і недастаўкаю тавараў на ўнутраныя расейскія мытні.
У сувязі з перагрузкай навучэнцаў школьныя навучальныя праграмы Беларусі скарочаныя сёлета на 20 адсоткаў. Як паведамілі РІА “Новости” ў амбасадзе Рэспублікі Беларусь у РФ, Міністрэствам адукацыі Беларусі падрыхтаваны базісны навучальны плян 12-гадовай школы, які прадугледжвае далейшае скарачэньне нагрузкі. Зараз праводзіцца праца па карэктыроўцы пляну, у адпаведнасьці зь якім з навучальных праграмаў выключаюцца другасныя матэрыялы.
На 8,7 адсоткі зьнізіўся ў студзені-лютым сёлетняга году рэальна налічаны заробак рабочых і служачых Беларусі ў параўнаньні зь сьнежнем 2002 году. Як паведамляе Міністэрства статыстыкі й аналізу, у лютым у параўнаньні з студзенем заробак вырас на 1,9 асдоткі (з 221.429 да 225.647 рублёў). На столькі сама павялічыліся й спажывецкія кошты, таму намінальны рост заробку нават часткова не кампэнсаваў яе рэальнае зьніжэньне ў студзені, перадае БелаПАН. У валютным эквіваленце падвысіўся за месяц з 113,8 да 114,9 даляраў ЗША, аднак да ўзроўню сьнежня яшчэ не хапае 4,3 даляраў.
, iнформэр
