Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Суд вырашыць, ці злачынца Аляксандар Лукашэнка 10:52, 03/04/2003
3 красавіка ў судзе Цэнтральнага раёну Менску павінен адкрыцца працэс, вынік якога, па сутнасьці, можа даць адказ на пытаньне, ці зьяўляецца грамадзянін Рэспублікі Беларусь Аляксандар Лукашэнка злачынцам. Праўда, перад судом стане не Аляксандар Лукашэнка, а 19-гадовая жыхарка Менску Аксана Новікава, якая абвінавачваецца ў паклёпе на прэзыдэнта Беларусі.
17 красавіка 2002 году Аксана Новікава раздавала мінакам на вуліцы ўлёткі ўласнага вырабу, на якіх пад загалоўкам “Расшукваецца асабліва небясьпечны злачынца!” быў намаляваны Аляксандар Лукашэнка.
Жыхарка Менску абвінавачвае Лукашэнку ў наступных злачынствах: саўдзеле ў захопе дзяржаўнай улады неканстытуцыйным шляхам; саўдзел у забойстве двух ці болей асобаў, злучаным з выкраданьнем чалавека; кантрабандзе з выкарыстаньнем сваіх службовых паўнамоцтваў; ухіленьні ад уплаты мытных платаў; легалізацыі матэрыяльных каштоўнасьцяў, набытых злачынным шляхам.
Зараз суду трэба высьветліць, ці віноўны Лукашэнка ў зьдзяйсьненьні вышэйпералічаных злачынстваў, каб вызначыць, ці зьяўляюцца заявы Новікавай паклёпам на прэзыдэнта Беларусі.
, iнформэр
