Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дзьве крымінальныя справы супраць аднаго дырэктара 15:28, 04/04/2003
Адносна дырэктара магілёўскага АДТ “Прайд і К” распачатыя дзьве крымінальныя справы. Справы заведзеныя па прызнаках злачынства, прадугледжанага часткай 2 арт.380 Крымінальнага кодэксу Беларусі – падробка, выраб, выкарыстаньне альбо збыт падробленых дакумэнтаў, штампаў, пячатак і блянкаў, а таксама па прызнаках злачынства, прадугледжанага арт.427 -- службовы падлог.
Як паведамілі БелаПАН у прэсавай службе Камітэту дзяржаўнага кантролю (КДК), міжраённым адзелам кіраваньня дэпартамэнту фінансавых расьледаваньняў КДК па Магілёўскай вобласьці ўстаноўлена, што падазраваны ў сакавіку 2002 году выкарыстоўваў наўмысна падробленыя дакумэнты пры пастаўках у адрас прадпрыемства “Магілёўская бройлерная птушкафабрыка” кармавой пшаніцы. Пры гэтым дырэктар атрымаў у кошт аплаты мяса куранят, якое рэалізоўваў у кропках гандлю Магілёву. У лютым 2002 году ён паставіў свой подпіс і замацаваў пячаткаю прадпрыемства падробленую дамову аб саступленьні права патрабаваньня і выкарыстоўваў яго пры атрыманьні на хлебзаводзе на чыгуначнай станцыі Магілёву хлебабулачных вырабаў, якія пасьля рэалізоўваў у гандлёвых кропках Магілёву, адзначае прэс-служба КДК.
, iнформэр
