Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Чарговы прысуд за «паклёп» на Лукашэнку 13:42, 04/04/2003
Сёньня суд Цэнтральнага раёну Менску прызнаў Аксану Новікаву віноўнай у зьдзяйсьненьні злачынства паводле арт.367 ч.2 Крымінальнага кодэксу Рэспублікі Беларусь – “паклёп адносна прэзыдэнта” -- і асудзіў яе да двух гадоў пазбаўленьня волі з адтэрміноўкай прысуду на два гады.
Працэс над жыхаркай Менску Аксанай Новікавай пачаўся 3 красавіка ў судзе Цэнтральнага раёну Менску. 17 кастрычніка 2002 году Аксана Новікава раздавала мінакам на вуліцы ўлёткі ўласнага вырабу, на якіх пад загалоўкам “Расшукваецца асабліва небясьпечны злачынца!” быў намаляваны Аляксандар Лукашэнка. Жыхарка Менску абвінавачвае Лукашэнку ў наступных злачынствах: саўдзеле ў захопе дзяржаўнай улады неканстытуцыйным шляхам; саўдзел у забойстве двух і болей асобаў злучаным з выкраданьнем чалавека; кантрабандзе з выкарыстаньнем сваіх службовых паўнамоцтваў; ухіленьні ад выплаты мытных плат; легалізацыі матэрыяльных каштоўнасьцяў, набытых злачынным шляхам.
