Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія прадпрыемствы скарачаюць перапрацоўку нафты 11:24, 04/04/2003, фота IREX/Promedia
ААТ «Мазырскі НПЗ» у сакавіку сёлетняга году перапрацавала 701 тыс. тонаў вуглевадароднай сыравіны, што на 3% меней, чым у сакавіку 2002 году. Як адзначылі «Интерфаксу» на прадпрыемстве, асноўнай прычынаю скарачэньня перапрацоўкі нафты з`яўляецца зьніжэньня аб’ёмаў паставак сыравіны з Расеі. Паводле дадзеных на 01.04.2003 г. на Мазырскі НПЗ было пастаўлена з Расеі 598 тыс. тонаў нафты, ці 83% да сакавіка 2002 году. Калі б ВА «Беларусьнафта» не паставіла 94 тыс. тонаў нафты, «завод апынуўся яшчэ ў больш цяжкім становішчы», сказалі суразмоўцы агенцтва.
За першы кварталь сёлетнега году Мазырскі НПЗ перапрацаваў 1960 тыс. тонаў нафты, што на 4% меней, чым у першым кварталі 2002 году. Як лічаць у акцыянэрным таварыстве, на зьніжэньне аб’ёмаў перапрацоўкі нафты “паўплывала, што пасьля продажу акцыяў кампаніі “Славнефть” некалькі зацягнуліся перамовы па пастаўцы вуглевадароднай сыравіны на завод”. У студзені-сакавіку 2003 году на Мазырскі НПЗ яе было пастаўлена 1935 тыс. тонаў, што на 7% меней, чым за аналягічны пэрыяд леташнега году.
, iнформэр
