Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнку нагадваюць пра лёс Мілошавіча і Чаўшэску 15:39, 04/04/2003
Амерыканскі кангрэсмэн Крыстафэр Сьміт пракамэнтаваў Радыё Свабода разгляд законапраекту “Акт аб дэмакратыі ў Беларусі” ў Камітэце міжнародных справаў палаты прадстаўнікоў кангрэсу ЗША:
-- Добрая вестка пра праходжаньне гэтага законапраекту ў камітэце. Мы зрабілі вялікі крок і спадзяемся, што гэта дасьць дапамогу і падтрымку тым, хто адстойвае дэмакратыю і правы чалавека ў Беларусі. Я спадзяюся, што гэта дапаможа разьвіцьцю грамадзянскай супольнасьці і прывядзе да перамогі дэмакратыі ў Беларусі. Гэта - адзін з крокаў, каб дапамагчы гэтаму.
Лукашэнка мусіць зразумець, што час дыктатураў скончыўся. Пра гэта сьведчыць лёс Мілошавіча ў Сэрбіі і Чаўшэску ў Румыніі. Пакуль Лукашэнка па-ранейшаму працягвае ўтрымліваць уладу і падаўляць сваіх грамадзянаў, але я спадзяюся, што ён пачне рухацца ў накірунку рэформаў. Гэта адбылося ў Паўднёваафрыканскай рэспубліцы, дзе тыя, хто кіраваў рэжымам апартэіду, убачылі, што перамены неабходныя.
Я заклікаю Лукашэнку - спыніце рэпрэсіі, па-сапраўднаму дасьледуйце справы зьніклых апазыцыйных палітыкаў, дазвольце адбыцца свабодным і справядлівым выбарам. Альбо ваш лёс будзе такі самы, як у Мілошавіча.
