Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Баранавічах расьце запазычанасьць перад Фондам соцабароны 11:29, 04/04/2003
Запазычанасьць прадпрыемстваў Баранавічаў па сплаце страхавых унёскаў у Фонд сацыяльнай абароны насельніцтва склала на 1 красавіка 3,1 млрд. рублёў. У параўнаньні з дадзенымі на 1 сакавіка, пазыка павялічылася на 400 млн. рублёў. За несвоечасовае пералічэньне ўнёскаў з пачатку году прадпрыемствам гораду налічана BYR 385 млн. пені. Самым буйным неплацельшчыкам страхавых унёскаў па-ранейшаму зьяўляецца Баранавіцкае вытворчае баваўнянае аб’яднаньне (БПБА), якое запазычыла 1367 млн. рублёў.
“На гэтым прадпрыемстве часта затрымліваюць выплаты дзіцячых дапамогаў, -- паведаміла БелаПАН начальнік Фонду сацыяльнай абароны насельніцтва Баранавіцкага гарвыканкаму Ніна Латушкіна. -- І, на жаль, мы ня можам даць гэтаму прадпрыемству датацыю на выплату дапамогі праз вялікую запазычанасьць перад фондам”.
Акрамя БПБА, асноўнымі даўжнікамі страхавых унёскаў у Баранавічах зьяўляюцца РУПП “Баранавіцкі завод аўтаматычных лініяў” (298 млн. рублёў), завод санэлектранарыхтовак (215 млн. рублёў), кіраўніцтва адукацыі гарвыканкаму (254 млн. рублёў).
, iнформэр
