Амбасадар ЗША наведаў асуджанага журналіста Віктара Івашкевіча :: Хартыя'97 :: Навiны

Амбасадар ЗША ў Беларусі Майкл Козак наведаў журналіста Віктара Івашкевіча, асуджанага ў верасьні 2002 году за замах на паклёп і публічную абразу прэзыдэнта. Рэдактар газэты “Рабочы” В.Івашкевіч адбывае пакараньне ў папраўчай установе адкрытага тыпу пры Баранавіцкім РАУС (Берасьцейская вобласьць).

Сустрэча, якая адбылася 4 красавіка ў памяшканьні незалежнай газэты “Intex-Press”, дзе Івашкевіч працуе кур’ерам, цягнулася некалькі гадзінаў.

Паводле В.Івашкевіча, размова з амбасадарам ЗША тычылася пытаньняў дэмакратыі й захаваньня правоў чалавека ў Беларусі. Як паведаміў журналісту М.Козак, ЗША падрыхтавалі рэзалюцыю для Жэнеўскай сустрэчы Камісіі ААН па правох чалавека, у якой закранаюцца, акрамя іншых, пытаньні аб зьніклых палітыках, рэпрэсіях супраць партыяў і партыйных актывістаў, аб уціску на прэсу і некаторыя рэлігійныя канфэсіі.