Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Завадзкі раён – лідэр падлеткавай злачыннасьці сталіцы 13:31, 08/04/2003, Агенцтва `Минск - Новости`
Найбольшая колькасьць злачынстваў, якія зьдзяйсьняюцца ў Менску падлеткамі ва ўзоросьце да 18 гадоў, адзначана ў Завадзкім раёне сталіцы. У першым кварталі сёлетняга году супрацоўнікамі РУУС раскрыта 68 крымінальных злачынстваў, віноўнымі ў якіх апынуліся непаўнагадовыя. Зь іх 13 чалавек парушылі закон не адзін раз.
Як паведаміў начальнік інспэкцыі па справах непаўнагадовых Завадзкога РУУС Ігар Пашкоў, найбольш часта ў пратаколах затрыманьня фігурыравалі разбойныя напады, крадзяжы, рабаўніцтвы і праявы хуліганства. 40 адсоткаў ад агульнай колькасьці злачынстваў зьдзейсьнена з карысьлівым намерам, каля 20 адсоткаў затрыманых у момант зьдзяйсьненьня супрацьпраўных дзеяньняў знаходзіліся ў нецьвярозым стане.
Для прафіляктыкі злачынстваў сярод непаўнагадовых супрацоўнікі міліцыі ў школах й вучэльнях праводзяць лекцыі, спартовыя спаборніцтвы, дэманстрацыі дакумэнтальных фільмаў аб шкодзе наркотыкаў. Але галоўная роля ў выхаваньні ў падлеткаў правасьвядомасьці ўсё ж такі адводзіцца сям’і.
, iнформэр
