Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аб’яднаная грамадзянская партыя (АГП) абвінавачвае ўлады ў аказаньні ціску на сябраў партыі. “Цягам двух месяцаў амаль сорак сябраў АГП падвяргаюцца прэсінгу з боку падаткавай інспэкцыі”, -- гаворыцца ў заяве кіраўніцтва партыі. Гэтая кампанія, адзначаецца ў дакумэнце, “санкцыянаваная на палітычным узроўні з мэтаю псыхалягічнага ціску на людзей, якія прынялі рашэньне ахвяраваць асабістыя сродкі на дзейнасьць партыі”. “Ад сябраў АГП патрабуюць зьвесткі аб іх фінансавых справах шасьцігадовай даўніны, шматлікія даведкі”, - паведамляе АГП.
Партыйнае кіраўніцтва разглядае “распачатую ўладамі кампанію, як правакацыю і спробу псыхалягічнага ціску на актывістаў сябраў Палітрады й Нацыянальнага камітэту й шэраговых партыйцаў”, і патрабуе спыніць перасьлед сябраў АГП.
Сярод партыйцаў, на якіх аказваецца такі ціск, аказаўся і лідэр АГП Анатоль Лябедзька. У сакавіку падаткавая інспэкцыя Менску правяла праверку стану яго фінансавых справаў з 1997 году на дадзены час і выявіла, што ў 2001 годзе лідэр АГП не заплаціў падаходны падатак у суме 840 беларускіх рублёў.
Зараз А.Лябедзька павінен сплаціць штраф у памеры 133 тысячы рублёў.
, iнформэр
