Беларусь – сусьветны экспартэр калійных угнаеньняў :: Хартыя'97 :: Навiны

Паводле вынікаў 2002 году Беларусь заняла трэцяе месца ў сьвеце па аб’ёму вытворчасьці калійных угнаеньняў пасьля Канады й Расеі, а па аб’ёму экспарту – другое пасьля Канады. Пры гэтым на долю рэспублікі прыпала 14,3 адсоткі вытворчасьці і 15,5 адсоткаў сусьветнага экспарту калія.

За першы кварталь сёлетняга году аб’яднаньне “Беларуськалій” павялічыла экспарт калійных угнаеньняў на 25 адсоткаў у параўнаньні з аналягічным пэрыядам леташнега году, што дазволіла атрымаць звыш 20 мільёнаў даляраў валютнай выручкі. Такі значны прырост забясьпечаны за кошт устойлівага попыту на рынку Кітаю і ўжо дасягнутым падвышэньнем коштаў на калійныя ўгнаеньні ў шэрагу краінаў-імпартэраў калія. Апошнія абставіны важныя яшчэ і таму, што дазваляюць кампэнсаваць страты ад павелічэньня выдаткаў на фрахтаваньне судоў у сувязі з закрыцьцём Суэцкага каналу з-за вайны ў Іраку.