Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Штраф бацькам за распаўсюд сынам улётак 12:04, 09/04/2003
8 красавіка камісія па справах непаўнагадовых пры Барысаўскім гарвыканкаме на чале з намесьнікам старшыні гарвыканкаму Валянцінай Шутко прыняла рашэньне аштрафаваць бацькоў навучэнца дзявятай клясы сярэдняй школы №16 Дзімы Шматка на 15 тысячаў рублёў. Сябра моладзевага руху ЗУБР Дзіма Шматок быў затрыманы вечарам 5 сакавіка супрацоўнікамі міліцыі каля прахадной завода “Аўтагідраўзмацняльнік” у час раздачы ўлётак супраць сацыяльнай палітыкі ўладаў. Яго абвінавацілі ў распаўсюдзе ўлётак, “выпушчаных нелегітымным шляхам”.
Нягледзячы на невялікую суму штрафу, старшыня Барысаўскага рэгіянальнага прадстаўніцтва Беларускага Гэльсынскага камітэту Леанід Навіцкі назваў рашэньне, прынятае камісіяй адносна бацькоў падлетка, “палітычным” і “карацельным”. Яно парушае міжнародныя нормы аб правох дзяцей адносна забароны перасьледу дзяржаваю непаўнагадовых за іх палітычныя погляды, заявіў Навіцкі ў інтэрвію БелаПАН.
