Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнке выказваюць жаль адносна зьнікненьня Садама 12:18, 14/04/2003
Прадстаўнікі шэрагу партыяў і грамадзкіх арганізацыяў Горадні зьвярнуліся з адкрытым лістом да прэзыдэнта Беларусі, у якім выказалі “свае спачуваньні ў сувязі зь зьнікненьнем Садама Хусэйа”, “аднаго зь лепшых палітычных сяброў” беларускага лідэра.
“Калі ж вы ня спыніце сваю “інтэграцыю”, нам – беларусам – не пазьбегнуць вайны, шматразова вядомай за нашую гісторыю. І ніякія апэрацыі кшталту “Чыстае неба” не дапамогуць прыхаваць здачу нашай беларускай дзяржавы ў Расейскую імпэрыю... Для беларускага народа чарговае імпэрскае зьняволеньне ўяўляецца адназначным і самым вялікім злом”, -- гаворыцца ў заяве.
Як паведамляе БелаПАН, сярод падпісантаў – старшыня Гарадзенскай гарадзкой арганізацыі Партыі БНФ А. Міхальчык, яго намесьнік М. Воран, старшыня мясцовага аддзяленьня Беларускага Гэльсынскага камітэту А. Антанюк, сябра рады Гарадзенскай філіі Беларускай сацыял-дэмакратычнай Грамады УВ. Лучко, сябра Сойму Партыі БНФ А. Астроўскі і іншыя прадстаўнікі грамадзкіх арганізацыяў.
