Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
РУП «Белтрансгаз» вызваленае ад абавязковага продажу валюты. Сумесна пастановаю Савміну і Нацбанку Беларусі ад 7 красавіка 2003 г. №460/12 РУП па транспартыроўцы і пастаўцы газу "Белтрансгаз" вызвалены ад абавязковага продажу праз Беларускую валютна-фондавую біржу сродкаў у СКВ і расейскіх рублях з 1.01.2003 г. да 31.12.2004 г. Матывуецца гэтае рашэньне неабходнасьцю забесьпячэньня разьлікаў за пастаўлены ў Беларусь прыродны газ. Словам, адносна кампаніі ня будзе дзейнічаць указ А.Лукашэнкі ад 2 чэрвеня 1997 г. №311, датычны абавязковага продажу замежнай валюты, і іншыя нарматыўныя дакумэнты на гэтую ж тэму.
Сродкі ў СКВ і расейскіх рублях, якія паступаюць на рахункі «Белтрансгаза», павінны цягам 5 працоўных дзён з даты паступленьня пералічвацца на аплату пастаўленага ў РБ прыроднага газу і для ўнясеньня платы за арэнду ўчастка магістральнага газапроваду "Ямал-Эўропа”, які належыць "Газпрому". У супрацьлеглым выпадку, вызваленыя ў адпаведнасьці з дадзенай пастановаю сродкі падлягаюць продажу праз БВФБ цягам наступных 5 працоўных дзён. Калі гэтыя сродкі будуць выкарыстаныя не па прызначэньні, то плюс да продажу давядзецца заплаціць і штраф «за несвоечасовы абавязковы іх продаж у вызначаным парадку».
, iнформэр
