Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
З 1997-га па 2002 год рост агульнай захворваемасьці сярод сталічных дзяцей склаў 8 адсоткаў, хаця і адзначаецца спад узроўню інфэкцыйных захворваньняў на 30 адсоткаў.
Праўда, паказчык дзіцячай сьмяротнасьці ў Менску за апошнія пяць гадоў зьнізіўся на 43% і сёньня знаходзіцца на сярэднеэўрапейскім узроўні – 5,9 памерлых на тысячу народжаных. Пра гэта паведаміў старшыня Камітэту па ахове здароўя Менгарвыканкаму Зьміцер Піневіч.
Па-ранейшаму адна з асноўных праблемаў – зьніжэньне вастрыні зроку дзяцей. Прычына -- вялікія школьныя нагрузкі. Гэтае захворваньне адзначаецца ў кожнага шостага дзіцёнка, а ў падлеткавым узросьце – у кожнага трэцяга.
З кожным годам расьце і колькасьць няшчасных выпадкаў зь дзецьмі ў Менску: у 2002 годзе іх зарэгістравана 30, у 2001 – 39, у 2002 – 79. Калі ж параўнаць статыстыку дзіцячага траўматызу за першы квартал сёлетняга году й мінулага, то карціна наступная: 20 няшчасных выпадкаў (зь іх 6 – цяжкіх) сёлета супраць 7 выпадкаў (1 цяжкі) летась.
Паводле словаў інжынера тэхнагляду Камітэту па адукацыі Менгарвыканкаму Галіны Дубіны, праблема яшчэ і ў тым, што некаторыя кіраўнікі навучальных установаў гораду спрабуюць ухаваць факты здарэньняў, паведамляе агенцтва “Минск-Новости”.
