Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кожны шосты мужчына ва ўзросьце 20-25 гадоў, які пражывае ў Сьветлагорску Гомельскай вобласьці, зьяўляецца ВІЧ-інфіцыраваным. Пра гэта паведамілі ў Гомельскім абласным цэнтры гігіены і эпідэміялёгіі. Сьветлагорск застаецца лідэрам па колькасьці носьбітаў вірусу СНІД. Аналізуючы агульную сытуацыю па вобласьці, паведамляецца, што на дадзены момант назіраецца другая хваля распаўсюджваньня СНІДу. На сёньня, паводле цэнтру, 60 адсоткаў вірусаносьбітаў трапілі ў гэты лік пасьля інтымнай сувязі. Паводле спэцыялістаў, у бліжэйшыя два гады сыходзіць 10-гадовы тэрмін, калі інфіцыраваныя ў 1996 годзе, стануць хворымі на СНІД. Папярэднія прагнозы кажуць пра тое, што ў год будуць паміраць 200-300 жыхароў вобласьці ва ўзросьце 30 гадоў і трошкі болей.
