Спыніць маральны тэрор! :: Хартыя'97 :: Навiны

У апошні час улады і лукашэнкаўскія спэцслужбы ўзмацнілі рэпрэсіі супраць актывістаў нашага руху. Зуброў кідаюць у турмы, штрафуюць, выключаюць з унівэрсытэтаў, звальняюць з працы, зьбіваюць на вуліцах. Аднак гэта не прыносіць уладзе пажаданых вынікаў. Супрацоўнікі спэцслужбаў і іх прыхвастні перайшлі зараз да новых вычварных формаў псыхалягічнага ціску – маральнаму тэрору.

Ахвяраю такога ціску стала наша паплечніца па супраціву, адна зь лідэраў руху ЗУБР гораду Гомелю Вікторыя К. Выкарыстоўваючы інфармацыю асабістага характару, спэцслужбы арганізавалі супраць дзяўчыны брудную кампанію шантажу й дыскрэдытацыі, патрабуючы ад яе выйсьці з руху ЗУБР і спыніць палітычную дзейнасьць.

Да гэтай кампаніі падключыліся шэраг інтэрнэт-сайтаў і газэта “Навінкі” (заснавальнікі: П.Канавальчык, А.Новікаў, А.Мазур, галоўны рэдактар – П.Канавальчык).

У выніку такой акцыі ў сьнежні 2001 году супрацоўнікі КДБ давялі да самагубства актывіста гомельскага ЗУБРа Андрэя Зайцава. Асаблівасьць цяперашняй бруднай кампаніі ў тым, што аб’ектам траўлі мярзотнікаў стала дзяўчына.

Рух супраціву ЗУБР заяўляе:
- мы будзем абараняць кожнага нашага паплечніка ў адпаведнасьці з Клятвай Зубра;

- мы публікуем здымкі вядомых на дадзены момант арганізатараў і ўдзельнікаў кампаніі маральнага тэрору;

- мы зьвяртаемся да ўсіх арганізацыяў, якія супрацоўнічаюць з гэтымі людзьмі ці дапамагаюць ім спыніць падтрымку правакатараў і мярзотнікаў.

Будзем разам і Беларусь стане вольнай!

Рух супраціву ЗУБР.
18 красавіка 2003 году

Организаторы и участники кампании травли:

`Михаил

Михаил Шеремет

`Павел

Павел Коновальчик

`Олег

Олег Новиков (Лёлик Ушкин)