Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Уганда набыла ў Беларусі тры ваенныя вэрталёты Мі-24, паведамляе суботні нумар газэты «Нью Віжн». Гэтыя летальныя апараты, абсталяваныя прыборамі начнога бачаньня і супрацьракетнымі ўстаноўкамі, прайшлі тэстыраваньне ў аўторак на ваенным аэрадроме Энтэбе ў паўднёвай Угандзе. Тэст праводзілі два беларускія экспэрты.
Жонкі двух беларускіх апазыцыянэраў, якія, мяркуецца, былі забітыя, заклікалі ААН у аўторак аказаць ціск на ўрад Беларусі з мэтай аднаўленьня расьследваньня так і не раскрытых зьнікненьняў.
Камісар ЭЗ па пытаньнях замежных зносінаў Крыс Патэн заявіў, што Паўночная Карэя “рэальная пагроза ўсяму сьвету”, а для ўтаймаваньня ядзерных амбіцыяў Пхеньяну яму неабходна даць дадатковую дапамогу, перадае АР.
В ближайшее время состоится встреча Александра Лукашенко и Леонида Кучмы, на которой будут рассмотрены вопросы реализации ранее достигнутых белорусско-украинских договоренностей. Решение об этом было принято в ходе состоявшегося 21 апреля телефонного разговора лидеров двух стран. Как сообщает пресс-служба белорусского лидера, разговор состоялся по инициативе украинской стороны.
Прадстаўнікі шэрагу няўрадавых арганізацыяў і рэдакцыяў газэтаў выступілі з заяваю аб недапушчальнасьці эканамічнай дыскрымінацыі недзяржаўных СМІ. “Мы, прадстаўнікі рэдакцыяў газэтаў і няўрадавых арганіазцыяў, занепакоеныя станам свабоды слова ў нашай краіне і заяўляем, што недзяржаўныя сродкі масавай інфармацыі падвяргаюцца з боку ўладаў жорсткаму эканамічнаму ціску”, - гаворыцца ў дакумэнце. У якасьці прыклада падаецца судовае рашэньне адносна заснавальніка “Новой газеты Сморгони” Рамуальда Ўлана, адхіленага ад яе выданьня. Гэта, як сьцвярджаюць падпісанты заявы, “наглядна прадэманстравала новую тактыку ўладаў у барацьбе зь недзяржаўнымі СМІ – перасьлед іх рэдакцыяў за парушэньне гаспадарчага заканадаўства”.
У чацьвер установы культуры Воршы й Аршанскага раёну агледзіў міністар культуры Леанід Гуляка. Па выніках агляду адбыўся сход работнікаў культуры гораду й раёну. Кульмінацыйным момантам сходу стаў разнос загадчыцы цэнтральнай бібліятэкі гораду за тое, што ў давераннай ёй установе знойдзеныя падшыўкі газэтаў БДГ і “Народная воля”.
Аляксандар Лукашэнка сваім указам № 13 ад 15 красавіка бягучага году практычна забараніў прадстаўнікам грамадзкіх аб`яднаньняў прадстаўляць інтарэсы грамадзян у судах. Пасьля 25 красавіка, калі дэкрэт павінен уступіць у сілу, вялікая колькасьць людзей, асабліва тых, хто "праходзіць" па адміністратыўных справах, у тым ліку й за ўдзел у акцыях апазыцыі, могуць увогуле пазбавіцца магчымасьці атрымаць юрыдычную абарону.
На Эўрапейскай канфэрэнцыі ў Афінах прэзыдэнт Латвіі Вайра Вік-Фрэйбэрга заявіла, што Латвія гатовая іграць актыўную ролю ў падтрымцы зносінаў паміж ЭЗ і Расеяй. Мяркуючы па апошніх выступах Віке-Фрэйнбэргі на гэтую тэму, Рыга асабліва жадае увайсьці ў дыялёг паміж Расеяй і Эўразьвязам з сваім Вэнтспілскім партом. Брусэль ужо стаў для Латвіі адным з рычагоў ціску на Расею з мэтай аднавіць нафтатранзіт праз Вэнтспіслс.
Заплянаваны на 5 мая канцэрт скандальна вядомага расейскага рок-гурта "Гражданская Оборона" ў Горадні хутчэй за ўсе не адбудзецца. Афiцыйная прычына адмены выступлення -- дрэнны продаж квіткоў. Але ёсьць падставы меркаваць, што гэта толькi фармальная падстава для адмены гастроляў "Гражданской Обороны".
Як мог Садам Хусэйн так фатальна памыліцца? Як мог ён так недаацэньваць прэзыдэнта Буша?Як мог спачылы ірацкія дыктатар, зь ягоным доступам да інфармацыі такіх хаўрусьнікаў, як прэзыдэнт Францыі Жак Шырак, прэзыдэнт Расеі Ўладзімер Пуцін і канцлер Нямеччыны Герхард Шродэр, не зразумець, што прэзыдэнт Буш будзе ваявааць?
Сэнсацыйную знаходку ў Іраку зрабіў карэспандэнт Радыё Свабода Рон Сынавіц. Ён быў прыкамандзіраваны да 3-й пяхотнай дывізіі ЗША, якая ўдзельнічала ў баёх за Кэрбэлу і Багдад. Менавіта ў Багдадзе Рон Сынавіц знайшоў вельмі цікавы дакумэнт. Паводле яго зьместу, цьверджаньні беларускіх уладаў пра адсутнасьць ваенных кантактаў з рэжымам Садама Хусэйна не адпавядаюць рэчаіснасьці. Рон Сынавіц, які на гэтым тыдні вярнуўся з Іраку, распавядае, якім чынам дакумэнт, пра які ідзе гаворка, трапіў яму ў рукі:
В связи со снижением объемов производства продукции и невыполнение прогнозных заданий в 2002 году Совет министров Беларуси объявил выговор заместителям министра сельского хозяйства и продовольствия Анатолию Рубанику и Петру Бутину.
З пачатку году кошты вырасьлі на 9,3% пры гадавым паказчыку ўраду і Нацыянальнага банку 18-24%. Паводле дадзеных Міністэрства статыстыкі і аналізу, за першы тыдзень красавіка спажывецкія кошты ў Беларусі павялічыліся на 1,1%. Для параўнаньня: за першы тыдзень сакавіка кошты павялічыліся на 1,3%, за першы тыдзень красавіка 2002 году - на 0,9. За студзень-сакавік і першы тыдзень красавіка 2002 году кошты ў Беларусі падвысіліся на 13,8%.
Паводле апэратыўных дадзеных Міністэрства працы й сацыяльнай абароны, за бягучы тыдзень у Беларусі адбылося 22 няшчасных выпадкаў на вытворчасьці. Як паведаміў карэспандэнту БЕЛТА дырэктар дэпартамэнту дзяржаўнай інспэкцыі працы Іван Селядзеўскі, у выніку надзвычайных здарэньняў траўмы рознай ступені цяжкасьці атрымалі 26 чалавек, пяцёра зь іх -- загінулі. У іх ліку – работнікі арганізацыяў сельскай гаспадаркі і харчаваньня, Міністэрства абароны, канцэрну “Белнафтахім”, Міністэрства энэргетыкі.
Пасьля ўвядзеньня 1 красавіка квотаў на імпарт ялавіччыны й сьвініны Расея можа абмежаваць увоз сьметанковага масла й сыру. Як паведамляюць СМІ, "Росживотноводсоюз" накіраваў ва ўрадавую камісію па абарончых мерах у замежным гандлі і мытна-тарыфнай палітыцы прапановы аб увядзеньні квотаў на імпарт шэрагу відаў прадукцыі з малака.
Аляксандар Лукашэнка ўчора прыняў удзел у рэспубліканскім суботніку. Як паведамляе тэлекампанія НТВ, пры дапамозе адмысловага электрамеханічнага прыстасаваньня, якое ў будаўнікоў называецца вібратар, ён мясіў цэмент на будоўлі Нацыянальнай бібліятэкі ў Менску.
Указ аб рэалізацыі акцыяў прадпрыемства па транспартыроўцы і пастаўцы газу "Белтрансгаз", якія належаць Беларусі, быў падпісаны 18 красавіка Аляксандрам Лукашэнкам. Кампанія ацэненая ў $500 мільёнаў. Акцыі першай эмісіі ствараемага замест ўнітарнага прадпрыемства адкрытага акцыянэрнага таварыства будуць рэалізаваныя толькі за грашовыя сродкі. Пасьля акцыянаваньня "Белтрансгаз" павінен стаць сумеснай расейска-беларускай кампаніяй. Інтарэсы Расеі ў СП будуць прадстаўляць "Газпром". Ва ўласнасьці “Белтрансгаза" знаходзяцца 6142 км магістральных газаводаў, 250 газаразьмеркавальных станцыяў, 8 кампрэсарных станцыяў і 2 падземныя сховішчы прыроднага газу, перадае РІА "Новости".
Як вы думаеце, чаму Францыя й Расея -- краіны, якія гадамі дабіваліся адмены санкцыяў Арганізацыі Аб’яднаных Нацыяў на здабычу нафты ў Іраку Садама Хусэйна – зараз спрабуюць зашкодзіць адмене санкцыяў у свабодным Іраку?
Ва Ўзброеных Сілах Беларусі распачатая рэалізацыя пляну ўдасканаленьня сыстэмы сувязі, разьлічанага да 2010 году. Ён уключае ў сябе распрацоўку прынцыпова новых сродкаў сувязі. Закупку сучасных узораў і мадэрнізацыю цяперашніх. Стаўка ў гэтай працы зроблена на айчынныя прадпрыемствы – “Лес” (г.Ворша), “Спадарожнік” (г.Маладэчна), менскае навукова-тэхнічнае аб’яднаньне “Агат”. У савецкія часы яны ўваходзілі ў лік асноўных вытворцаў сродкаў ваеннай сувязі. Зараз на гэтых прадпрыемствах ствараюцца найновыя лічбавыя сыстэмы сувязі, якія пераўзыходзяць аналягавыя па хуткасьці і якасьці перадачы дадзеных.
Адна з вуліцаў Менску ў памяць аб стваральніку легендарнага ансамблю “Песьняры” Ўладзімера Мулявіна будзе насіць яго імя, а на доме, дзе жыў музыка, будзе ўсталяваная мэмарыяльная дошка.
Колькасьць ліцэнзаваных відаў дзейнасьці ў Беларусі, згодна дэкрэту Аляксандра Лукашэнкі, будзе скарочаная да 46, падвідаў працаў і паслуг -- да 484 (зь іх каля 200 тычацца мэдычнай дзейнасьці). Як паведамілі ў Міністэрстве эканомікі рэспублікі, на дадзены час праект дэкрэту знаходзіцца на дапрацоўцы ў мясцовых органах улады. У асноўным праца на месцах зьвязаная з дапрацоўкаю ліцэнзаваньня, з тым, каб зрабіць іх больш празрыстымі і акрэсьленымі. Дэкрэтам зацьвярджаюцца ўставы аб ліцэнзаваньні, якія адлюстроўваюць усе элементы гэтай працэдуры (указваюцца сфэры ліцэнзаваньня, сьпіс дакумэнтаў, неабходных для атрыманьня ліцэнзіі. Вызначаныя выпадкі, пры якіх можа быць адмоўлена ў яе выдачы і гэтак далей).
, iнформэр
