Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Камісар ЭЗ па пытаньнях замежных зносінаў Крыс Патэн заявіў, што Паўночная Карэя “рэальная пагроза ўсяму сьвету”, а для ўтаймаваньня ядзерных амбіцыяў Пхеньяну яму неабходна даць дадатковую дапамогу, перадае АР.
“Ніхто з нас не жадае, каб КНДР ператварылася ў свайго роду завод па вытворчасьці бомбаў, які будзе распрадаваць зброю любым групоўкам ці краінам, якія пажадаюць набыць яе”, -- сказаў К.Патэн, знаходзячыся ў Аўстраліі. “Мяркую, што з Паўночнай Карэяй неабходна заключаць пагадненьні і чым болей, тым лепш”, -- падкрэсьліў камісар ЭЗ. Між тым, за апошнія паўгады КНДР пакінулі больш за 20 вышэйшых ваенных кіраўнікоў і навукоўцаў. Такая высокая інтэнсыўнасьць зьвязаная з распрацаванай у Вашынгтоне апэрацыяй “Усьлізганьне”, мэтай якой зьяўляецца паслабленьне ваенна-прамысловай магутнасьці рэжыму Кім Чэн Іра.
