У Эстоніі запрацаваў радар далёкай сочкі :: Хартыя'97 :: Навiны

Радар далёкай сочкі сёньня запрацваў у Эстоніі. Зь яго дапамогаю эстонцы будуць кантраляваць паветраную прастору сваёй краіны і бліжэйшых суседзяў.

Радар Эф-Пі-Эс-117 далёкай трохмернай сочкі за паветранай прастораю зьявіўся на паўночным усходзе Эстоніі ў мястэчку Келавэрэ. Яго кошт 239 млн. крон. Ён быў выраблены амэрыканскай фірмай "Локхід Марцін". Радар можа адсочваць паветраную прастору на вышыні 30 км і на адлегласьці ў 450 км. Вышыня радара з сучаснай электронікай складае 12,5 мэтраў.

Эстонцы набылі яго ў амэрыканскай кампаніі “Локхід Марцін” амаль за 240 млн. кронаў. Радыяёлякацыйная станцыя будзе кантраляваць сытуацыю ў паветранай прасторы Балтыі і памежных раёнах Расеі. У тым ліку ў зоне Санкт-Пецярбургу.

У сваю чаргу ўжо гэтым летам Латвія плянуе ўсталяваць ваенны радар для кантролю паветранай прасторы ня толькі над Прыбылтыкай, але і над заходняй часткаю Расеі й тэрыторыяй Беларусі.
Нагадаем, што расейская радыёлякацыйная станцыя ў латвійскім горадзе Скрундэ была зьнішчаная ў 1998 годзе.

На думку газэты "Версия" Скрундзкі комплекс павінен быў стаць самым сучасным і знаходзіць любыя амэрыканскія ракеты. Аднак расейская РЛС была закрытая і дэмантаваная. Недабудаваны новы будынак станцыі, які пакінулі расейскія вайскоўцы, быў зьнесены выбухам з рашэньня латвійскага ўраду.