Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Тарыфную стаўку першага разраду падвысяць да 28 тысячаў рублёў 13:30, 23/04/2003
Чыноўнікі прыйшлі да высновы, што тарыфную стаўку неабходна падвысіць. А то ў студзені-лютым адносна адпаведнага пэрыяду леташнега году рэальная заробная плата работнікаў бюджэтнай сфэры зьнізілася на 2,7 адсоткі.
У той самы час колькасьць работнікаў арганізацыяў бюджэтнай сфэры, заробная плата якіх ніжэй за бюджэт пражытнога мінімуму, у красавіку павялічылася да 200 тысячаў, перадае БелаПАН. З 1 траўня ў Беларусі плянуецца падвышэньне тарыфнай стаўкі 1-га разраду для аплаты працы рабатнікаў арганізацыяў, фінансуемых з бюджэтнай сфэры з 26,5 тыс. да 28 тыс. рублёў. Базавая велічыня, якая выкарыстоўваецца для разьліку розных пляцяжоў, будзе павялічаная да 14 тыс. рублёў. Аднак праз інфляцыю наўрадці гэта хтосьці адчуе. Пытаньне аб падвышэньні заробнай платы работнікаў бюджэтнай сфэры міністры разглядалі 22 красавіка на паседжаньні прэзыдыюму Савміну. З 1 траўня плянуецца таксама павялічыць у 1,2 разы дапамогу па беспрацоўю і стыпэндыі грамадзянам, якія праходзяць прафэсійнае навучаньне па накіраваньні органаў дзяржаўнай службы занятасьці, за выключэньнем служачых дзяржапарату, звольненых у сувязі зь ліквідацыяй дзяржаўнага органа ці скарачэньня штатаў.
, iнформэр
