Аб норавах у сям’і Садама Хусэйна :: Хартыя'97 :: Навiны

За 12 апошніх гадоў старэйшы сын былога лідэра Іраку Удэй Хусэйн увёз у краіну для сябе 1,5 тысячы аўтамабіляў. Пра гэта ў кувэйцкай газэце “Аль-Кабас” паведаміў асабісты сакратар Удэя Адзіб Шабан.

Вызвалены днямі з турмы, куды яго пасадзіў былы гаспадар, сакратар і вядомы журналіст распавёў, што “раззлаваны чарговай правінаю свайго старэйшага сына, Садам Хусэйн асабіста расстраляў з аўтамата некалькі яго аўтамабіляў і загадаў ахове спаліць яшчэ 70 аўтамабіляў свайго сына”. Аднак страта 70 раскошных аўтамабіляў ня вельмі расстроіла Удэя. Частку ён раздарыў сябрам па папойках і оргіях, распавядае Адзіб.

Ён таксама згадвае, як ён езьдзіў у Саўдаўскую Аравію для набыццья дыяманту коштам 450 тысячаў даляраў, які спадабаўся Удэю на адным з сайтаў Інтэрнэту. Страсьць Удэя да залатых упрыгожваньняў і каштоўных камянёў адзначаюць усе, хто кантактаваў зь ім. Адна з арабскіх сьпявачак, якая наведала Багдад летась з канцэртамі, у інтэрвію распавяла, што ён насіў на пазногцях залатыя накладкі з дыямантамі.

Як сьцьвярджае Адзіб, старэйшы сын Садама Хусэйна абклаў аброкам 90% усіх кампаніяў, якія дзейнічалі ў Іраку і прымушаў іх плаціць 3% ад прыбытку. Удэй распрацаваў таксу для экспарту тавараў: напрыклад, з кожнай тоны фінікаў яму ў кішэню ішло 25 дал., за вялікі кораб цыгарэтаў – ад 5 да 25 даляраў у залежнасьці ад гатунку. Але галоўнай крыніцаю даходаў была кантрабанда нафты. Адзіб кажа, што ніводная буйная зьдзелка не праходзіла без Удэя.

Кожнаму ірацкаму спартоўцу, які выяжджаў за мяжу, абяцаліся камандзіровачныя ў суме 228 даляраў. Зь іх Удэй, які ачольваў спартовую фэдэрацыю і алімпійскі камітэт Іраку, забіраў сабе 128$. 85% бюджэту алімпійскага камітэту заставалася ў кішэнях Удэя, сказаў Адзіб. Удэй Хусэйн адзін распараджаўся ўсімі даходамі ад рэклямы і продажу газеты "Бабіль", радыёстанцыі й тэлеканалу, якія належылі яму, перадае РІА "Новости".