Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
СНД не апраўдала надзеяў беларускага ўраду 11:21, 28/04/2003
Садружнасьць незалежных дзяржаваў пакуль не выконвае тыя задачы, дзеля якіх яна стваралася. Як паведаміў карэспандэнт “Росбалта”, такім чынам прэм’ер-міністар Беларусі Генадзь Навіцкі пракамэнтаваў журналістам вынікі паседжаньня Рады кіраўнікоў урадаў СНД, якое адбылося ў пятніцу, 25 красавіка, у Маскве.
Паводле яго, многія з 26-ці пытаньняў, уключаных у павестку дня, былі зьнятыя, прычым “большасьць зь іх -- пытаньні зьмястоўнага характару”.
Паводле інфармацыі беларускага боку, паведамляе ІА “Росбалт” на маскоўскім паседжаньні разглядаліся праекты дакумэнтаў аб супрацоўніцтве і каардынацыі дзейнасьці дзяржаваў-удзельнікаў СНД у галіне арганізацыі інтэграванага валютнага рынку, аб фінансаваньні ў 2003 годзе асноўных мерапрыемстваў міждзяржаўнай комплекснай праграмы рэабілітацыі ветэранаў войнаў, удзельнікаў лякальных канфліктаў і ахвяраў тэрарызму, іншыя дакумэнты.
