Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вуліцы імя Генадзя Карпенкі пры гэтай уладзе ня будзе 11:04, 28/04/2003
Выканкам Аб’яднанай грамадзянскай партыі атрымаў адказ за подпісам начальніка кіраваньня культуры Менгарвыканкаму Віктара Кураша на прапанову АГП прысвоіць адной з вуліцаў гораду Менску імя Генадзя Карпенкі. У Менгарвыканкаме адказалі, што “вырашыць станоўча дадзенае пытаньне не ўяўляецца магчымым” у сувязі з тым, што “на сёньня ў горадзе адсутнічаюць вуліцы без назваў”.
Напярэдадні чацьвёртай гадавіны з дня сьмерці Г.Карпенкі, якая адзначалася 6 красавіка, АГП зьвярнулася да ўладаў сталіцы з прапановаю назваць вуліцу імем гэтага вядомага палітыка, нагадвае БелаПАН. “Мы ня лічым, што ў рашэньні гэтага пытаньня пастаўленая кропка, -- пракамэнтаваў адказ гарадзкіх уладаў старшыня партыі Анатоль Лябедзька. -- Мы разглядаем адказ Менгарвыканкаму як коску. Яны не абвяргаюць таго, што імя Генадзя Карпенкі можа быць увекавечаным у назве адной з вуліцаў гораду Менску”.
Паводле палітыка, як толькі ў тым ці іншым раёне навабудоўлі зьявіцца новая вуліца, АГП будзе зноў зьвяртацца да менскіх уладаў. “Калі будзе воля ў чыноўнікаў, то цягам году гэтае пытаньне можа быць вырашанае станоўча”, -- сказаў А.Лябедзька.
