Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Польскія візы будуць таньней за беларускія 11:17, 28/04/2003
Польшча зацікаўленая ў тым, кабы візы з Расеяй і Беларусьсю, якія стануць абавязковымі з 1 ліпеня, былі тыннымі і шматразовымі. Пра гэта заявіў у пятніцу міністар замежных справаў Польшчы Владзімеж Чымашэвіч, выступаючы ў польскім горадзе Ольштын.
Ён паведаміў, што кансультацыі, якія па гэтым пытаньні вядзе Варшава з Масквой і Менскам, блізкія да завяршэньня. “Мы прапануем нашым расейскім і беларускім партнэрам, каб працэдура выдачы візаў была максымальна палегчаная, і аплата за іх была максымальна таннай”, -- сказаў Чымашэвіч.
Паводле кіраўніка МЗС Варшавы, польскі бок высупае за тое, каб віза каштавала не даражэй некалькіх эўра, дазваляла шматразовы ўезд і была сапраўднай цягам некалькіх гадоў.
Але канчатковая пазыцыя Польшчы, адзначыў ён далей, будзе залежыць ад таго, якую плату за візы для палякаў увядуць Расея і Беларусь. “Тут мы будзем сыходзіць з прынцыпу ўзаемнасьці і не пагодзімся з становішчам, каб нашы грамадзяне плаціцлі б за візы больш за грамадзянаў Расеі й Беларусі, якія прыязжаюць у Польшчу”, -- падкрэсьліў Чымашэвіч.
, iнформэр
