Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пракуратура зноў дапытвае незалежных журналістаў 10:42, 30/04/2003
Супрацоўнік пракуратуры Станіслаў Новікаў, які кантралюе захаваньне журналістамі Закону аб друку, правёў з журналісткаю “Народнай волі” Марынай Коктыш “тлумачальную размову”, якая цягнулася некалькі гадзінаў. Журналістцы заявілі, што яна нібыта парушыла адразу некалькі артыкулаў Закону аб друку, калі працытавала ў “Народнай волі” выступ у судзе былога дырэктара Менскага трактарнага заводу Міхаіла Лявонава.
Асабліва абурылі супрацоўніка пракуратуры цытаты аб сьледчым Іване Бранчалі, якога Міхаіл Лявонаў абвінаваціў у фальсыфікацыі крымінальнай справы. Іван Бранчаль з гэтым нязгодны, але тлумачыць сваю пазыцыю журналістцы ня стаў. Марына Коктыш прапанавала яму даць інтэрвію газэце, але сьледчы адмовіўся.
Нагадаем, што ў розны час на прафіляктычныя размовы ў пракуратуру выклікалі Марыну Коктыш, Сьвятлану Калінкіну, Ірыну Халіп і іншых беларускіх журналістаў. На Ірыну Халіп завялі крымінальную справу, якая пакуль не закрытая.
