Дэлегацыя МТЗ наведала Іран :: Хартыя'97 :: Навiны

З 24 па 27 красавіка прайшоў візыт у Іран дэлегацыі РУП “Менскі трактарны завод”. Як паведамілі ў прэс-службе Міністэрства замежных справаў Беларусі, у час візыту беларуская дэлегацыя была прынятая ў Міністэрстве гандлю Ірану, правяла шэраг перамоваў з іранскім партнэрам – кампаніяй “БемЗіКала” і азнаёмілася з створанай базай для арганізацыі зборачнай вытворчасьці трактараў.

Дэлегацыя РУП «МТЗ» наведала буйнейшы ў Іране й на Блізкім Усходзе Тэбрызскі трактарны завод і правяла перамовы з кіраўніцтвам заводу.

Былі таксама наладжаныя дзелавыя кантакты зь вядомай у Іране кампаніяй “Махрэсазан” па вытворчасьці запасных частак для трактара- і аўтамабілебудаваньня, а таксама праведзеная сустрэча з кіраўніцтвам гандлёвай кампаніі “Мідл іст стар”.