Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Садам Хусэйн на наступную ноч пасьля таго, як прэыдэнт Буш-малодшы даў яму 48 гадзінаў на капітуляцыю, адправіў свайго сына Кусая ў сховішча Цэнтральнага банку Іраку, каб узяць там сьціплую суму для ад’езду сям’і. Для таго, каб зьвесьці амаль мільярд наяўнымі – усё гэта ў зялёных 100-даляравых банкнотах ЗША – плюс яшчэ 100 млн. эўра, - спатрэбіліся тры аўтацягачы з прычэпамі. Вось так шайка “Садам і сыны” ўчыніла самы грандыёзны крадзеж у гісторыі банку.
Туркмэнскі рэжым прэыдэнта Ніязава ўстанавіў для ўсіх грамадзянаў, якія маюць адначасова расейскае й туркмэнскае грамадзянства, двухмесячны тэрмін, каб тыя вырашылі грамадзянамі якой краіны яны жадаюць заставацца. Пры гэтым улады спасылаюцца на агаворку з падпісанага з Масквой пагадненьня аб буйных пастаўках прыроднага газу. Пад пагрозаю апынулася выжываньне 100 000 грамадзянаў.
За апошнія тры тыдні колькасьць сябраў Баранавіцкай арганізацыі грамадзкага аб’яднаньня “Беларускі рэспубліканскі саюз моладзі” (БРСМ) вырасла больш чым у сем разоў. Як паведаміла БелаПАН старшыня рэгіянальнай арганізацыі БРСМ Алена Клішэўская, “гэта -- вынік агітацыйнай працы, якая праводзілася інфармацыйнымі групамі БРМ у школах”. Аднак вучні і іх бацькі сьцьвярджаюць адваротнае.
У органы прадстаўнічай і выканаўчай уладаў гораду паступілі дакумэнты з хадайніцтвам аб уганараваньні кіраўніка ФПБ Леаніда Козіка званьнем ганаровага грамадзяніна гораду Барысава. Як паведаміў БелаПАН сябра Рады Фэдэрацыі прафсаюзаў Беларусі Мікалай Пахабаеў, зь ініцыятываю выступіў калектыў заводу аўтатрактарнага электраабсталяваньня. Рабочыя вядомага прадпрыемства такім чынам вырашылі аддзячыць знакамітага земляка за ягоны ўнёсак у добраўпарадкаваньне роднага гораду напярэдадні 900-годзьдзя Барысава. Тады Л.Козік займаў пасаду намесьніка кіраўніка прэзыдэнцкай адміністрацыі.
Галоўны ідэоляг Беларусі, намесьнік кіраўніка прэзыдэнцкай адміністрацыі Алег Праляскоўскі заявіў падчас выставы “СМІ ў Беларусі”, якая адкрылася ў Менску, што новы закон “Аб сродках масавай інфармацыі” будзе ўтрымліваць элемэнты дзяржаўнай ідэалёгіі.
Беларускія праваабаронцы зьбіраюцца накіраваць справы аб зьніклых бяз вестак палітыках і журналістах у замежныя суды. Для выпрацоўкі адпаведнай працэдуры будзе створаная грамадзкая камісія.
Беларусь штогод будзе праводзіць буйныя ваенныя навучаньні з удзелам усіх сілавых ведамстваў. Пра гэта заявіў Аляксандар Лукашэнка ў час наведваньня Ваеннай акадэміі Беларусі. Падставаю для наведваньня кіраўніка дзяржавы стаў 50-гадовы юбілей гэтай навучальнай установы, выпускнікі якой праходзяць службу ня толькі ў нашай рэспубліцы, але і далёка за яе межамі. Ваенная акадэмія, паводле А.Лукашэнкі – гэта ня толькі адукацыйны, але навуковы цэнтар. У сьценах ВНУ Лукашэнке паказалі найновыя распрацоўкі ваенных навукоўцаў. У іх ліку ўнікальныя радыёпаглынальныя матэрыялы для маскіраваньня баявой тэхнікі й аўтыматызаваныя сыстэмы кіраваньня войскамі. На адным з стэндаў кіраўніку дзяржавы прадэманстравалі фрагмэнты амэрыканскіх крылатых ракетаў і нават смалёта-невідзімкі Ф-117, зьбітых у Югаславіі.
Кіраўнік ірацкага руху “Нацыянальная згода” Аяд Аляві ў інтэрвію маскоўскай газэце “Время новостей” учора заявіў, што будучы ўрад Іраку намерваецца супрацоўнічаць з усімі краінамі, за выключэньнем Беларусі й Францыі. Гэтыя краіны ён абвінаваціў у ваеннай дапамозе рэжыму Садама Хусэйна. “Шмат зьвестак ў нас ёсьць па Беларусі, і будзе лепей, калі беларусы самі пададуць зьвесткі пра тое, што яны пастаўлялі ў Ірак. Дакумэнты на гэты конт у нас ёсьць, мы ў кожным выпадку падымем гэтае пытаньне ў Радзе бясьпекі ААН і запатрабуем пакараньня тых беларускіх чыноўнікаў, якія садзейнічалі парушэньню санкцыяў”, -- заявіў Аяд Аляві. Радыё Свабода зьвярнулася за камэнтаром заяваў Аяда Аляві да дырэктара ірацкай службы радыё “Свабода”, былога амбасадара ЗША ў Багдадзе Дэвіда Ньютана.
За злоўжываньне службовым становічшам і падлог пры расьсьследаваньні забойства журналіста Георгія Гангадзэ асуджаны пракурор Тарашанскага раёну Кіеўскай вобласьці Ўкраіны. Было высьветлена, што дапушчаныя Сяргеем Абозавым парушэньні прывялі да зацягваньня расьсьледаваньня.
На Ўкраіне завершанае незалежнае расьсьледаваньне прычынаў гібелі дырэктара інфармацыйнага агенцтва “Украінскія навіны” Міхаіла Каламійца, цела якога ў канцы мінулага году было знойдзена ў Беларусі.
Амэрыканскую палітыку часам, сапраўды, нельга абвінавачваць у тым, што яна непрадказальная. Як Вашынгтон прамалінейна імкнецца да нанясеньня ваеннага ўдара па Іраку, не пакідаючы ні ў каго сумневаў у тым, што хтосьці можа яго спыніць, так зараз ён праводзіць сваю паваенную палітыку. Хто адмаўляўся ўдзельнічаць у вайне, той будзе пакараны, ці на яго проста ня будуць зьвяртаць увагі. Хто ўдзельнічаў, таго чакае ўзнагарода. І ўсё ж такі для многіх было вялікай нечаканасьцю - хто атрымаў разам з хаўрусьнікамі Вялікабрытаніяй і Амэрыкай права кіраваць у адным з сэктараў у Іраку: Польшча. Эканамічна слабай, якая атрымоўвала наганяі ў іх шматпакутнай гісторыі, так часта адводзілася роля цацкі ці хлопчыка для біцьця, нечакана дазволілі заняць заўважнае месца ў сусьветнай палітыцы. Тое, што Джордж Буш прадэманструе ўдзячнасьць менавіта такім чынам, наўрадці хто чакаў.
Аляксандар Лукашэнка выдаў Указ №174 “Аб некаторых пытаньнях Нацыянальнай дзяржаўнай тэлерадыёкампаніі Рэспублікі Беларусь”. Згодна ўказу Белтэлерадыёкампанія зьяўляецца цэнтральнай дзяржаўнай установаю, якая выконвае ў межах паўнамоцтваў, устаноўленых заканадаўчымі актамі, у тым ліку яе статутам, асобныя функцыі рэспубліканскага органа дзяржаўнага кіраваньня, паведамляе прэс-служба Белтэлерадыёкампаніі.
У сераду пасьля сустрэчы з гішпанскім прэм’ер-міністрам Аснарам прэзыдэнт ЗША Буш заклікаў ААН зьняць санкцыі з Іраку, перадае BBC News. “Рэжыму, супарць якога былі накіраваныя санкцыі, у Іраку больш няма”, -- удакладніў амэрыканскі прэзыдэнт. Рэзалюцыя аб накладзе санкцыяў дзейнічае з 1990 году, з часу уварваньня Іраку ў Кувэйт.
МЗ Беларусі адазваў з краінаў Азіяцкага рэгіёну сябраў сем’яў і дзяцей дыпляматаў з-за эпідэміі атыпічнай пнеўманіі. Пра гэта, як паведамляе РІА “Новости”, у чацьвер на брыфінгу заявіў афіцыйны прадстаўнік МЗС Беларусі Сяргей Скварцоў.
Сярод краінаў СНД самы высокі ўзровень інфляцыі на спажывецкім рынку ў першым кварталі 2003 году зафіксаваны ў Беларусі, дзе кошты вырасьлі на 8,1%, паведаміў міждзяржаўны статкамітэт СНД у сераду. На другім месцы пасьля Беларусі стаіць Таджыкістан, на трэцім – Расея. Далей ідуць Малдова (індэкс спажывецкіх коштаў за 3 месяцы вырас на 4.6%), Украіна (3.7%), Армэнія (2.1%), Кыргызстан (2%), Казахстан (1.7%), Грузія (1.6%) і Азэрбайджан (0.5%). Дэфляцыя не зафіксаваная ні ў адой з краінаў СНД. Дадзеных па Туркмэністану і Узбэкістану няма.
Запазычанасьць беларускіх спажыўцоў за прыродны газ з пачатку сёлетняга году скарацілася на 25,2 млрд. BYR, а за электрычную і цеплавую энэргію, якая адпускаецца ад крыніцаў канцэрну “Белэнэрга”, — на 11,2 млрд. BYR.
Ільноводзтва – адзіная айчынная галіна расьлінаводзтва, якая вырабляе сыравіну для лёккай прамысловасьці і фармуе беларускі экспарт. Але з 54 ільнозаводаў краіны летась з стратамі спрацавалі 49. Урад спрабуе ўратаваць галіну ад краху.
У падземных пераходах Менску зноў зьявяцца распаўсюднікі тэатральных квіткоў. Як паведамілі БЕЛТА ў Міністэрстве культуры, дамоўленасьць аб гэтым дасягнутая зь Менгарвыканкамам.
Вера ў добрага цара ў беларускім народзе такая ж моцная, як і вера ў халяву. Краіна 7,5 мільёнаў ільготнікаў ніяк ня можа зразумець, што раскідваючы даброты на ўсіх бедных і маламаёмасных, сябе не дапаможаш. Многія ў Беларусі да гэтага часу не разумеюць, што вышэйшая ўлада ў краіне не для таго, каб рамантаваць трубы й правяраць будаўнічыя каштарысы. У 2002 годзе да прэзыдэнта РБ і ў Адміністрацыю паступіла 24990 зваротаў. А асабісты прыём да А.Лукашэнкі запісаліся 2364 чалавек. Паводле інфармацыі У.Латыпава “320 чалавек былі прынятыя кіраўніцтвам Адміністрацыі Прэзыдэнта Рэспублікі Беларусь, а таксама Дзяржаўным Сакратарыятам Рады Бясьпекі, Кіраваньня справамі прэзыдэнта й Камітэту дзяржкантролю. Колькі чалавек было прынята асабіста кіраўніком дзяржавы, у дакладзе кіраўніка ягонай Адміністрацыі не гаворыцца.
Запасы гатовай прадукцыі ў беларускіх прамысловых прадпрыемстваў на 1 красавіка 2003 году склалі 1336 млрд. бел.руб. у дзейных коштах ці 73% ад сярэднемесячнага аб’ёму вытворчасьці, паведамілі “Интерфаксу” ў Міністэрстве статыстыкі і аналізу.
Сярэдння заробная плата ў Менску на сёньня ў пераразьліку складае 154 даляры ЗША. За апошні месяц яна “падрасла” на 4,5 даляраў. Гэтыя дадзеныя 7 траўня на апэратыўнай нарадзе ў мэрыі калегам паведаміў намесьнік старшыні Менгарвыканкаму Мікалай Ярохаў. Аднак, канстатаваў ён, пакуль не ўдалося “пераламіць” сытуацыю з выплатай заробнай платы. У Менску налічваецца каля дзесяці прадпрыемстваў-даўжнікоў, якія стала затрымліваюць выплату заробнай платы сваім работнікам.
Творы народнага пісьменьніка Беларусі Васіля Быкава зараз можна прачытаць ў інтэрнэце. Сайт Васіля Быкава – www.bykau.by.ru. На сайце можна пазнаёміцца з творамі вялікага беларускага клясыка, публікацыямі й інтэрвію, якія Васіль Быкаў даваў цягам апошніх гадоў беларускім і замежным выданьням. Ёсьць тры вэрсіі сайта – беларуская, расейская і ангельская.
Тэлефонная слухаўка, падавалася, вось-вось задыміцца ад абурэння маёй суразмоўцы: “Скажыце, колькі разоў на год можна патрабаваць грошы з бацькоў на патрэбы школы? У нашай клясе зь верасьня зьбіралі ўжо тройчы. Але ніхто так і ня даў справаздачы, куды і на якія мэты яны пайшлі. Толькі неякія абстрактныя абяцаньні аб паляпшэньні ўмоваў навучаньня. І вось -- новыя паборы. Зараз, кажуць, на рамонт. І гэта нягледзячы на тое, што рамонт клясы бацькі робяць штогод і сваімі матэрыяламі. Выдаткі немалыя, да таго ж у мяне двое дзяцей у розных школах. Няхай бы лепей увялі платнае навучаньне – і справе канец”. Рашучы тон зьмяніўся на прасіцельны, як толькі я пачала высьвятляць, дзе, у якой школе такое адбываецца: “Я вам скажу, але вы толькі не публікуйце яе нумар”.
За апошнія 30 дзён TUT.By узяў плянку ў адзін тэрабайт (1`099`511`627`776 байт) сыходзячага трафіка. Гэтая лічба зьяўляецца самым высокім паказчыкам для Белнэту.
Прывілей дзяржавы 10:41, 08/05/2003, Neftegaz.ru, фота IREX/Promedia
Сёньня 74% акцыяў беларускіх прадпрыемстваў знаходзіцца ва ўласнасьці дзяржавы, а на астатнія накладзены мараторый. Пра гэта паведаміў страшыня Камітэту па каштоўных паперах пры Савеце міністраў Беларусі Валянцін Шухно. Другасны рынак каштоўных папераў, паводле ягоных словаў, знаходзіцца ў замарожаным стане.
, iнформэр
