Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Белтэлерадыёкампанія стала цэнтральнай дзяржустановаю 10:46, 08/05/2003, АФН
Аляксандар Лукашэнка выдаў Указ №174 “Аб некаторых пытаньнях Нацыянальнай дзяржаўнай тэлерадыёкампаніі Рэспублікі Беларусь”. Згодна ўказу Белтэлерадыёкампанія зьяўляецца цэнтральнай дзяржаўнай установаю, якая выконвае ў межах паўнамоцтваў, устаноўленых заканадаўчымі актамі, у тым ліку яе статутам, асобныя функцыі рэспубліканскага органа дзяржаўнага кіраваньня, паведамляе прэс-служба Белтэлерадыёкампаніі.
Нацыянальнай дзяржаўнай тэлерадыёкампаніі ў трохмесяцовы тэрмін даручана правесьці ў адпаведнасьці з гэтым указам сыстэму Белтэлерадыёкампаніі. Дадзенае даручэньне, перш за ўсё, накіраванае на правядзеньне адпаведнай рэарганізацыі абласных тэлерадыёаб’яднаньняў, якія ня могуць надалей ажыцьцяўляць сваю дзейнасьць з статусам абласных органаў дзяржаўнага кіраваньня.
