Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія дыпляматы ў Ірак не вярнуліся 11:12, 12/05/2003
Беларускія дыпляматы пакуль не занялі сваю рэзыдэнцыю ў паваеннай сталіцы Багдаду. Пра гэта паведамілі ОНТ ў МЗС Беларусі.
У замежнапалітычным ведамстве рэспублікі патлумачылі, што беларуская дыпляматычная місія зможа вярнуцца ў Багдад пасьля поўнай нармалізацыі сытуацыі ў блізусходняй краіне.
Разам з тым, ў МЗС ёсьць інфармацыя, што будынак беларускай амбасады ў Багдадзе не пацярпеў. Найболш каштоўная маёмасьць была вывезеная з дыппрадстаўніцтва яшчэ да пачатку баявых дзеяньняў.
Што тычыцца статуса й становішча амбасады Іраку ў Менску, то, паводле словаў прадстаўніка МЗС, “пытаньне ўдакладняецца”. На дадзены час Міністэрства замежных справаў не распаўсюджвае інфармацыю па гэтым пытаньні.
У беларускім МЗС заявілі, што рэспубліка “гатовая разьвіваць зносіны з урадам Іраку, які будзе абраны”.
