Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Літоўцы жадаюць увайсьці ў Эўразьвяз 11:02, 12/05/2003
Паводле папярэдніх дадзеных, на рэфэрэндуме па пытаньні аб уступленьні Літвы ў ЭЗ, які завяршыўся ў нядзелю, бальшыня літоўцаў прагаласавалі за сяброўства ў гэтай арганізацыі, паведамляе "Интерфакс". З апрацаваных бюлетэняў каля 90,4 адсоткаў утрымліваюць станоўчы адказ на пытаньне аб мэтазгоднасьці інтэграцыі Літвы ў ЭЗ, 9,6 адсоткаў – адмоўны. Афіцыйныя вынікі галасаваньня будуць агучаныя ў панядзелак апоўдні па мясцовым часе.
Як паведаміў старшыня Галоўвыбаркаму рэспублікі Зенонас Вайгаўскас (Zenonas Vaigauskas), ужо падлічана бюлетэняў з 1372 з 2040 выбарчых участкаў. Згодна ўдакладнёных дадзеных, у рэфэрэндуме прыняла ўдзел больш за 64 адсоткі выбарнікаў.
Падпісаная 16 красавіка 2003 году ў Афінах дамова аб уступленьні Літвы ў ЭЗ, можа набраць моц з траўня 2004 году, калі больш за палову ўдзельнікаў рэфэрэндуму падтрымаюць такое рашэньне, нагадвае агенцтва.
Літва – чацьвертая зь дзесяці краінаў-кандыдатаў у сябры ЭЗ, у якіх праведзены рэфэрэндум па гэтым пытаньні. Большасьць грамадзянаў Мальты, Славеніі й Вугоршчыны таксама выказаліся за ўступленьне ў Эўразьвяз у 2004 годзе.
, iнформэр
