Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Очередным субъектом для воспитательной работы республиканская прокуратура выбрала заместителя главного редактора газеты "Народная воля" Александра Силича. Сегодня, 13 мая последний был вызван на разъяснительную двухчасовую беседу начальником отдела прокуратуры Республики Беларусь полковником Григорием Шостаком. В присутствии старшего прокурора отдела полковника Станислава Новикова Силичу было высказано неудовольствие органов по поводу опубликованной 1 апреля текущего года корреспонденции о прилете в Минск Саддама Хусейна. Понятно, что это была первоапрельская шутка. Однако прокуратура шутки не поняла…
Апошні званок 14:46, 13/05/2003, Сяргей Крывашэеў, Наталя Судлянкова, «БДГ»
Дзякуючы майстэрскай тактыцы амэрыканскіх кангрэсмэнаў прыняцьце “Акту аб дэмакратыі ў Беларусі” стане непазьбежным у самы бліжэйшы час. Намаганьнямі камітэту па міжнародных справах ніжняй палаты кангрэсу ЗША сьцьверджаньні “Акту...” увайшлі ў склад “Акту аб міжнародных зносінах на 2004-2005 фіскальныя гады” ў якасьці аднаго з разьдзелаў. Гэта азначае, што “Акт аб дэмакратыі ў Беларусі” з гэтага моманту будзе разглядацца ня сам па сабе, а ў кантэксьце рашэньняў, якія вызначаюць замежную палітыку Злучаных Штатаў.
Пасьля прыняцьця кангрэсам ЗША “Акту аб дэмакратыі ў Беларусі” грамадзянская супольнасьць нашай краіны атрымае афіцыйную падтрымку ўраду іншай дзяржавы ў барацьбе за свае законныя правы. Пытаньне аб замежнай дапамозе ў стварэньні свабоднай і прававой дзяржавы ня простае хаця б таму, што за свабоду, законнасьць і дабрабыт, якія рана ці позна набывае Беларусь, яна вінная. Сытуацыю, датычную замежнай падтрымкі дэмакратычных працэсаў і вядомую як “экспарт дэмакратыі”, “Белорусская деловая газета” прапанавала пракамэнтаваць Людміле Гразновай – дэпутату Вярхоўнага Савету 13-га скліканьня, каардынатара грамадзянскай ініцыятывы Хартыя’97 па правох чалавека.
Куды адправяцца доблесныя амэрыканскія войскі пасьля Іраку? Пляны гэтыя захоўваюцца ў браніраваных сэйфах. Але ёсьць мазгавыя цэнтры, паслугамі якіх карыстаецца ваеннае ведамства ЗША. Некаторыя зь іх апошніх публікацыяў шакіруюць: у бліжэйшыя 10-15 гадоў, сьцьвярджаюць яны, узброеныя сілы ЗША могуць дзейнічаць і на тэрыторыі Расеі.
«Рашэньне кангрэсу ЗША ўключыць законапраект аб дэмакратыі ў Беларусі ў Акт аб міжнародных зносінах азначае перавод гэтага пытаньня ў практычную плоскасьць», -- заявіў у інтэрвію прэс-цэнтру Хартыі’97 былы намесьнік міністра замежных справаў Беларусі, міжнародны каардынатар грамадзянскай ініцыятывы Хартыя’97 Андрэй Саньнікаў. Сёньня, на думку дыплямата, можна досыць упэўнена казаць пра тое, што лёс Акту адб дэмакратыі ў Беларусі будзе вырашаны ўжо ў бягучым годзе, бо Акт аб міжнародных зносінах прэзыдэнт ЗША падпісвае да канца верасьня, перад пачаткам новага фінансавага году. «Па ўсёй верагоднасьці, Злучаныя Штаты гатовыя прыняць стратэгічнае рашэньне аб аднаўленьні дэмакратыі ў Беларусі, - мяркуе Андрэй Саньнікаў. - У той самы час у Сэнаце захоўваецца і Акт аб дэмакратыі ў Беларусі як палітычны інструмэнт, які ЗША таксама могуць выкарыстоўваць у любы момант».
12 траўня гарадзенскае грамадзкае аб’яднаньне “Ратуша” накіравала ў абласны гаспадарчы суд пярэчаньні на зыск Кіраўніцтва юстыцыі аб ліквідацыі арганізацыі. Наступным этапам будзе прызначэньне дакладнай даты пачатку працэсу абласным гаспадарчым судом.
Пытаньні падрыхтоўкі да правядзеньня другога паседжаньня сумеснай камісіі па эканамічным і навукова-тэхнічным супрацоўніцтве абмяркоўваліся на сустрэчы амбасадара Беларусі ў Лібіі Аляксандра Дзеравяшкі з сакратаром Галоўнага народнага камітэту па замежных сувязях і міжнародным супрацоўніцтве Лібіі Абдэлем Рахманам Шалькамам.
2-ая міжнародная выстава ўзбраеньняў і ваеннай тэхнікі “MILEX-2003” адкрыецца 13 траўня ў Менску. Як паведамілі карэспандэнту БЕЛТА ў дырэкцыі Нацыянальнага выставачнага цэнтру “БелЭкспа”, у ёй прымуць удзел каля 130 арганізацыяў і прадпрыемстваў абароннай прамысловасьці Беларусі, Расеі, Украіны, Славакіі, Польшчы, Малдовы, Армэніі.
З 5 па 9 траўня ў часе працоўнай паездкі ў Луанду (Ангола) адбыліся сустрэчы амбасадара Беларусі ў Паўднёва-Афрыканскай Рэспубліцы й Рэспубліцы Ангола (па сумяшчальніцтве) Анатоля Ахрамчука з кіраўніцтвам краіны й прадстаўнікамі ангольскага бізнэсу, паведамляе прэс-служба МЗС Беларусі.
Каля 20-ці інвалідаў-калясачнікаў у панядзелак у Мнску правялі мітынг супраць “ушчамленьня правоў грамадзянаў Беларусі, вымушаных перасоўвацца пры дапамозе інваліднай каляскі”. Акцыю наладзіла грамадзкае аб’яднаньне “Рэспубліканская асацыяцыя інвалідаў-калясачнікаў” (РАІК). Кіраўніцтва Менгарвыканкаму забараніла інвалідам правесьці мітынг на плошчы Якуба Коласа і адправіла іх у парк Дружбы народаў. Аднак людзі адмовіліся ісьці на Бангалор, і проста праехаліся ў калясках уздоўж парку з плякатамі: “Прэзыдэнт, калі пачнуць працаваць нашыя законы?”, “Дзяржава, інваліды ў цябе ёсьць”, “Мы таксама людзі і жадаем жыць”.
Зь лёккай рукі Міхаіла Сяргеевіча Гарбачова ў нашу гаворку увайшлі словы - "мысьленьне", "кансэнсус", "працэс пайшоў", "прававая дзяржава". Словазлучэньне "прававая дзяржава" спадабалася і ў народзе прыжылося. Хаця неяк незразумела, але вельмі прыгожа. Яго сталі ўжываць да месца і не да месца. Памятаю, што перад тым як кінуць супраць дэманстрантаў амапаўцаў на Дзяды 1988 г. падпалкоўнік міліцыі крычаў: "Товарищи! Разойдитесь! Мы же живем в правовом государстве!" На момант распаду Вялікага і Магутнага Савецкага Саюзу, словазлучэньне "прававая дзяржава" было вельмі модным. Юрысты прымянялі яго вельмі асьцярожна, а вось тэхнароў і аграномаў, якія займалі дэпутацкія крэслы ў розных саветах, словазлучэньне «прававая дзяржава» было папулярным. Хацелася быць ня проста дэпутатам, а дэпутатам прававой дзяржавы. Незразумела, чым гэтая цукерка смачней, але абгортка больш яскравая!
70 год таму ў гэтыя дні ў фашыстоўскай Нямеччыне пачалі палыхаць вогнішчы з кніг. У тыя ж гады ў такіх самых вогнішчах гарэла беларуская літаратура. Першыя ахвяры любога таталітарнага рэжыму – яго самыя красамоўныя апанэнты, інтэлектуалы, пісьменьнікі, тыя, хто разумее пагрозу несвабоды. У Нямеччыне на заклік Гебэльса чысьцілі бібліятэкі ад габрэйскага інтэлектуалізму і кніг ворагаў нацызму. Вакол вогнішчаў стаяў натоўп, як разьдзіраў кніжкі на шматкі й шпурляў у вагонь. Пасьля нацысты пачалі паліць і забіваць і аўтараў кніг. У Савецкім Саюзе таксама палілі й трушчылі кнігі ў той самы час – вось вытрымка з загаду Галоўліту БССР №33 ад 3 чэрвеня 1937 году, які тлумачыў, што рабіць з выкінутай зь бібліятэк літаратурай: “Рабіць зьнішчэньне шляхам пропуску праз рэзальныя машыны друкарняў. У райцэнтрах, дзе няма рэзальных машынаў, прынятую літаратуру спальваць з адзнакай на акце спаленьня”.
Ёсьць краіны, якія немагчыма сьцішыць. І ёсьць войны, якія немагчыма выйграць. Да такіх канфліктаў адносіцца супрацьстаяньне ў Чачэніі. Цягам дзевяці гадоў расейцы й чачэнцы вядуць на Каўказе адну з самых жахлівых войнаў апошніх дзесяцігодзьдзяў. Пры гэтым загінулі многія тысячы людзей.
Амэрыканскі кангрэсмэн Крыстафэр Сьміт, выступаючы 9 траўня ў ніжняй палаце Кангрэсу ЗША, выказаў сур’ёзную закляпочанасьць пагаршэньнем сытуацыі з правамі чалавека ў Беларусі й Чачэніі. Наконт сытуацыі ў нашай краіне, Крыстафер Сьміт, у прыватнасьці, заявіў: «Я рупліва адсочваў разьвіцьцё сытуацыі ў Беларусі і ўсё болей пераконваўся ў нежаданьні беларускага рэжыму рэальна расьсьледаваць выпадкі зьнікненьняў. Тут у Вашынгтоне, а таксама на сэсіях ПА АБСЭ ў Парыжы й Бэрілне я сустракаўся з жонкамі без вестак зьніклых беларускіх апазыцыянэраў. Гэтыя людзі выклікалі вялікае спачуваньне. Выпадкі з зьнікненьнямі і, магчыма, забойствамі іх мужоў ў 1999 і 2000 гадох як нельга лепей дэманструюць прыроду рэжыму беларускага дыктатара Аляксандра Лукашэнкі». Прапануем Вашай увазе тэкст выступу Крыстафэра Сьміта цалкам.
У сувязі з распаўсюдам атыпічнай пнеўманіі амбасада Беларусі ў Кітаі прыняла рашэньне спыніць выдачу візаў на паездкі ў Беларусь. Пра гэта паведамляе інфармацыйнае агенцтва «Интерфакс».
Працэдуры закальваньня з дапамогаю халоднага абліцьця менчукам лепей пачынаць зараз – пачынаецца лета, а значыць традыцыйная падрыхтоўка цеплавых сецяў Менску да працы ў зімовых умовах. Тым больш што ў апаведнасьці з зацьверджаным Менгарвыканкамам графікам выпрабаваньня й рамонт цепласецяў былі пачатыя не далей як учора. Пад халодны душ сталі жыхары дамоў у раёне Партызанскага праспэкту, праспэкту Пушкіна і ў цэнтры Менску. Прыняць гарачую ванну ў гэтых дамох давядзецца толькі 31 траўня, а дзе (у прыватнасьці ў Фрунзенскім раёне) – 2 чэрвеня...
Старшыня Менгарвыканкаму Міхаіл Паўлаў на апошняй плянёрцы ў мэрыі заявіў, што асаблівую ўвагу сёлетнім летам неабходна надзяліць рамонту школьных будынкаў. Як аб’явіў сталічны мэр, варта наадрэз адмовіцца ад благой практыкі пабораў з бацькоў навучэнцаў. Паборы будуць зьбірацца з шэфаў – прамысловых прадпрыемстваў, а таксама неабходна вышукваць спонсарскую дапамогу.
13 траўня “палата прадстаўнікоў” разгледзіць у другім чытаньні праект закону “Аб нацыяналізацыі”. Дакумэнт мусіць вызначыць агульны парадак і ўмовы нацыяналізацыі маёмасьці ў Беларусі. Аднак “парлямэнтарам”, магчыма, прапануюць адхіліць гэты законапраект.
На канец красавіка ў Менску было зарэгістравана 16 тысячаў 209 беспрацоўных. Гэта на 502 чалавека меней, чым у сакавіку. У той самы час сталічная служба занятасьці мела дадзеныя аб адзінаццаці з паловаю тысячаў вакансіяў на гарадзкіх прадпрыествах і ва ўстановах, восемдзесят пяць адсоткаў зь іх – рабочыя. Сряэдні памер штомесячнай выплаты дапамогі па беспрацоўю сёньня складае дваццаць адну тысячу рублёў. І яшчэ: летась дваццаць чатыры сталічныя прадпрыемствы атрымалі квоту на залічэньне ў штат 1.106 замежных грамадзянаў, 122 зь якіх былі звольненыя, паведамляе агенцтва “Минск-Новости”.
У гэтым месяцы праводзіцца тэндэр на будаўніцтва гіпермаркетаў -- на Партызанскім праспэкце і ў цэнтры сталіцы. Такім чынам, іх стане адзінаццаць. Па першых дзевяць Менгарвыканкам аддаў права забудовы ў красавіку леташнега году. У Малінаўцы-9 поўным ходам ідуць падрыхтоўчыя працы на будаўнічай пляцоўцы, і ў бліжэйшы час будзе вынесенае рашэньне аб пачатку працаў “нулявога цыклу”. Першы ў Менску гіпермаркет будзе гатовы прыняць наведвальнікаў у канцы наступнага году, паведамляе агенцтва “Минск-новости”.
, iнформэр
