Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Восем гадоў таму Аляксандар Лукашэнка ўсім паказаў, на што ён здольны. 14 траўня 1995 году адбыўся першы лёсавызначальны рэфэрэндум у Рэспубліцы Беларусь, на якім расейская мова атрымала статус дзяржаўнай, а бел-чырвона-белы сьцяг і герб “Пагоня” зьмяніліся на амаль савецкія і тады яшчэ да болю знаёмыя дзяржаўныя сымбалі.
Зьбіты супрацоўнікамі міліцыі актывіст апазыцыі Антон Кішкурна аштрафаваны на 10 базавых велячыняў (140 тысячаў рублёў). Разгляд справы А.Кішкурны, сына кіраўніка менскай гарадзкой рады Партыі БНФ Уладзімера Кішкурны, завяршыўся 13 траўня ў судзе Савецкага раёну сталіцы. Пацярпелы, аднак, будзе дабівацца пачатку крымінальнай справы адносна намесьніка начальніка РАУС Савецкага раёну Менску палкоўніка Яўгена Гуранкова, якога А.Кішкурна абвінавачвае ў нанясеньні яму цяжкіх целавых пашкоджаньняў, паведамляе БелаПАН.
Аднойчы ў газэтным інтэрвію намесьнік дырэктара НІСЭПД Аляксандар Сасноў адзначыў: “У нас народ у сваёй масе ня мае свайго пункту погляду на тое, што навокал адбываецца”. Сыходзячы з гэтага можна зрабціць выснову: “недасьведчанымі” беларусамі лёкка маніпуляваць, што ахвотна робяць усе каму ня лень.
Адной з рысаў адрозьненьня дыктатураў заўсёды была зацікаўленасьць метафізыкай. Да самага апошняга часу кітайскі ўрад быў у гэтых адносінах недасягальным: пасьля падзеяў на плошчы Цяньаньмынь там было забаронена сьмяяцца й плакаць. Любая праява пачуцьцяў расцэньвалася як палітычны папрок, выклік. Пільных гаспадароў з Забароненага гораду пераўзышлі прыслужкі Мугабэ, калі адшукалі яшчэ больш фантастычнага праціўніка старога сатрапа й ягонай сяброўкі. Натоўп, несанкцыянаваны ўладамі сход заўсёды выклікаў зьдзіўленьне й насьцярожанасьць у аўтарытарных урадаў. І вось агенты Мугабэ кінулі ў турму сотню жанчын, якія сабраліся ў Булавайё на поўдні краіны.
10 траўня апусьцілася заслона ў тэатры на Дуброўцы, на сцэне якога разгортваўся відовішчны й драматычны тэракт, зьдзейсьнены чачэнскімі баевікамі. Мюзікл “Норд-Ост”, акторы й гледачы якога вечарам 23 кастрычніка 2002 году апынуліся закладнікамі тэрарыстаў, абанкруціўся. Публіка нават зь цікаўнасьці не хацела ісьці на спэктакль, які каштаваў жыцьцяў 129 закладнікам: мужчынам, жанчынам і дзецям. Спроба аўтараў мюзіклу захаваць яго як жывы помнік трагедыі правалілася. Падаецца, ніхто не жадае згадваць пра здарэньне.
З узяцьцем Багдаду войскамі англа-амэрыканскай кааліцыі вайна ў Іраку завяршылася так раптоўна, як і пачалася. Але толькі не для аналітыкаў. Сёньня адмыслоўцы ўважліва аналізуюць посьпехі, пралікі й няўдачы супрацьдзеючых бакоў. Занадта каштоўным можа аказацца абагулены досьвед. У тым ліку і для Беларусі. Госьць “АиФ” -- палкоўнік Ігар Быкаў, сябра-карэспандэнт беларускай інжынэрнай акадэміі, кіраўнік кафедры Ваеннай акадэміі.
Менскі гарадзкі суд зацьвердзіў вырак суда Цэнтральнага раёну Менску адносна жыхаркі Менску Аксаны Новікавай, якую прызналі віноўнай у паклёпе на Аляксандра Лукашэнку, паведамляе агенцтва ПРИМА. Новікава асуджаная да двух гадоў пазбаўленьня свабоды з адтэрміноўкай выкананьня выраку на два гады: у Аксаны маленькі дзіцёнак. Яна зьбіраецца абскардзіць гэтае рашэньне ў вышэйшых судовых інстанцыях.
Пратэст супраць абвешчанай прэзыдэнтам Украіны палітычнай рэформы сытуатыўна зьяднаў усіх лідэраў апазыцыі, нягледзячы на ўсе складанасьці, што ўзьніклі ва ўзаемаадносінах у апошні час. Свае прэтэнзіі да праекту рэформы Віктар Юшчанка, Юлія Цімашэнка, Пётар Сіманенка і Аляксандар Мароз выказалі ў агучаным днямі мэмарандуме. Лідэры апазыцыі заявілі, што 31 траўня пачнецца чарговы этап антыпрэзыдэнцкай акцыі “Паўстань, Украіна!”. На гэты раз праціўнікі Кучмы падазраваюць яго ў жаданьні пад лёзунгам канстытуцыйнай рэформы падоўжыць свае прэзыдэнцкія паўнамоцтвы...
Як сьцьвярджаюць лідэры руху “Талібан”, Расея фінансуе партызанскую вайну гэтай аўганскай фундамэнталісцкай групоўкі супраць ураду Аўганістану, які падтрымлівае Амэрыка. Паводле высокапастаўленых фігур гэтага экстрэмісцкага руху, на дадзены час расейская выведка, якая капіруючы спробы Злучаных Штатаў нанесьці ўрон савецкім войскам, якія ў 1980-х гадах акупавалі Аўганістан, таемна падрымлівае партызанскія фармаваньні аўганскіх талібаў.
Парлямэнт прыняў у другім чытаньні Закон “Аб паштовай сувязі”. Міністар сувязі Ўладзімер Ганчарэнка, прэзэнтуючы ў Авальнай залі законапраект, паведаміў, што паштальёны з сваімі сумкамі штодзень праходзяць 140.000 кілямэтраў. Агульная вага пошты складае 2500 тонаў, а заробак сельскага паштальёна ...83.000 рублёў.
Так званую “нармалізацыю абстаноўкі ў Чачэніі” – фраза, якую Масква паўтарае як мантру – парушыў чарговы тэракт, зьдзейсьнены праз некалькі тыдняў пасьля падманлівага рэфэрэндуму. Сакавіцкае галасаваньне мусіла канчаткова замацаваць уваходжаньне гэтага мусульманскага рэгіёну ў склад Расеі.
Тэма збройных зьдзелак з ірацкім рэжымам з узделам Беларусі выйшла, нарэшце, з разраду нічым не падмацаваных заяваў палітыкаў і публікацыяў ў СМІ і зьмясьцілася ў сфэру спрэчак аб сапраўднасьці канкрэтнага дакумэнту. За два тыдні, што прайшлі з моманту агучваньняў шэрагам СМІ знойдзенага ў Іраку ліста з 140-га рамонтнага заводу ў Барысаве, выказаліся, здаецца, усе: ваенныя экспэрты, прадстаўнікі самога заводу, дырэктар СП «Сыстэмнае кіраваньне бізнэсам» Уладзіслаў Рачкевіч, якому нібыта было адрасаванае пасланьне, гендырэктар «Інфабанку» і нават кіраўнік Беларусі. Не «засьвяціўся» толькі адзін пэрсанаж скандалу -- амэрыканскі журналіст Рон Сынавец, які сьцьвярджае, што менавіта ён знайшоў злашчасны ліст на поўначы ірацкае сталіцы. Увесь гэты час за Сынаўца інтэрвію давалі ягоныя калегі па «Радыё Свабода», а абставіны, што суправаджалі знаходку, выкладаліся ў чужой інтэрпрытацыі. Да гэтага часу Сынавец ня меў магчымасьці адказаць на пытаньні, якія адрасавалі яму ўсе астатнія фігуранты гэтай гісторыі. Як гэты журналіст без веданьня расейскай мовы зразумеў, што ў знойдзеным лісьце размова ідзе аб ваенна-тэхнічным супрацоўніцтве Беларусі з хусэйнаўскім рэжымам? Менавіта дзе ў Іраку разьмяшчалася ваенная база, у сэйфе якой быў знойдзены ліст, і навошта гэтай краіне патрэбныя былі танкі, фарбаваныя пад сьнег. На гэтыя і іншыя тэмы з Ронам СЫНАЎЦОМ размаўляе аглядальнік «Белорусской газеты» Віктар Марціновіч.
Об этом заявил корреспонденту БЕЛТА Посол Беларуси в КНР Владимир Русакевич. "Конечно, в связи с распространением в стране вируса атипичной пневмонии дипломатическое представительство предприняло ряд профилактических мер. Так, на родину отправлены дети работников ведомства, проведена дезинфекция помещений, к китайцам, посещающим посольство, предъявлено требование быть в марлевых повязках", -- сообщил Русакевич и опроверг появившиеся сообщения о том, что Посольство Беларуси в Китае ввело ограничительные меры по выдаче выездных виз китайским гражданам. По его словам, только сегодня выданы документы двум китайцам. Посол признал, что число лиц, выезжающих из Китая в Беларусь, сократилось, но объясняет это сложившейся обстановкой в стране.
План конкретных действий по наращиванию белорусского экспорта в Москву принят на заседании Президиума Совета Министров Республики Беларусь. Под председательством премьер-министра нашей страны Геннадия Новицкого оно состоялось 14 мая в Минске с участием правительства города Москвы во главе с мэром российской столицы Юрием Лужковым.
“Пивоварни Ивана Таранова” плянуюць інвэстыраваць ў броварную галіну Беларусі. Як паведаміў газэце “Ведомости” старшыня назіральнай рады ПИТ Яўген Кашпер, нядаўна прайшлі ягоныя перамовы з Аляксандрам Лукашэнкам. Інвэстыцыйнае пагадненьне яшчэ не падпісанае, але Кашпер не сумняваецца, што рэалізацыя праекту рэканструкцыі Бабруйскага піўзаводу будзе пасьпяховай.
Мяркуючы па словах генэральнага дырэктара "Мінатор-Сэрвіс" Валерыя Грабеншчыкова, гэтаму прадпрыемству ўдаецца прасоўваць на сусьветны рынак сваю баявую машыну 2Т "Сталкер", прызначаную для глубокай выведкі і дывэрсійных апэрацыяў, на сусьветным рынку ўзбраеньняў.
Арэндная плата за гандлёвыя месцы ў гандлёвым цэнтры “Купалаўскі” зьніжаная на 30 адсоткаў. Замест 150 эўра, якія прадпрымальнікі плацілі штомесяц за адзін квадратны месяц, арэндная плата будзе складаць 105 эўра.
Апошні час упарта ходзяць чуткі аб павелічэньні пэнсійнага ўзросту ў Беларусі. І чытацкая пошта “АиФ” таму пацьверджаньне. Людзі абураныя тым, што ўсё жыцьцё пералічвалі грошы на сацыяльнае страхаваньне, а зараз могуць не дажыць да заслужанага адпачынку.
Як паведаміў начальнік галоўнага кіраваньня аграпрамысловай інтэграцыі і нарыхтовак сельгассыравіны канцэрну "Белдзяржхарчпрам” Мікалай Каламыс, аб’ёмы нарыхтовак бульбы ў Беларусі падаюць. За апошнія тры гады, нягледзячы на тое, што ў краіне пад бульбу засеяна 600 тыс. га, вырошчаваньне бульбы сельскагаспадарчымі прадпрыемствамі зьнізілася з 1 млн. 200 тыс. тонаў да 588 тыс. тонаў. Значна ўпаў экспарт бульбы. Калі ў лепшыя часы экспартавалася ня менш 1 млн. тон бульбы, то ў 2002 годзе Беларусь абмежавалася экспартам у 170 тыс. тонаў. (Галяндыя, дзе "бульбяныя плянтацыі” займаюць 170 тыс. га, экспартуе болей).
Ангола зацікаўленая ў набыцьці беларускай прадукцыі, а таксама ў стварэньні зборачнай вытворчасьці трактараў МТЗ для далейшага продажу тэхнікі ня толькі ў гэтай краіне, але і іншых дзяржавах поўдня Афрыкі. Гэты факт адзначаўся на сустрэчы Надзвычайнага й Паўнамоцнага амбасадара нашай рэспублікі ў ЮАР і Анголе Анатоля Ахрамчука з ангольскім міністрам сельскай гаспадаркі Жыльбэрту Бута Лутукута. Як паведамілі карэспандэнту БЕЛТА ў Міністэрстве замежных справаў, перамовы прайшлі ў рамках працоўнай паездкі дыплямата ў Луанду.
У сераду, 14 траўня, адбудзецца аднадзённы працоўны візыт у Менск сябраў урадаў расейскай сталіцы на чале з мэрам гораду Юрыем Лужковым. Госьці прымуць удзел у паседжаньні Прэзыдуюму Савету Міністраў Беларусі, паведаміў РІА “Новости” афіцыйны прадстаўнік МЗС Беларусі Сяргей Скварцоў. Паводле яго, асноўнай тэмай перамоваў стане абмеркаваньне асноўных накірункаў разьвіцьця супрацоўніцтва Беларусі й Масквы на пэрыяд да 2006 году.
Беларуская эканамічная статыстыка падобная на даму, якая ня ўмее апранацца. То яна няўдала памер усіх непрыемных запазычанасьцьяў прыкрые, то фальшаваныя посьпехі на агляд выставіць. У іншых краінах таксама ўсё нягладка, але тамтэйшыя рахункаводы ўсё ж такі навучыліся з густам агучваць памылкі і не перабольшваць перамогі. Беларуская ж эканамічная статыстыка па-ранейшаму імкнецца апрануцца ў легкадумныя сукні не па фігуры.
58-ы Дзень Перамогі сярэдні мэдычны пэрсанал Слуцкага ваеннага шпіталю сустрэў зь сьлязьмі на вачох. Плачуць ад безвыходнасьці: Міністэрства абароны расфармавала 1139-ы шпіталь, а мэдычных сясьцёр, як лішкавы баляст, выставілі за плот.
З-за распаўсюду ў сьвеце вірусу атыпічнай пнеўманіі асаблівую насьцярожанасьць у Беларусі выклікаюць “чаўнакі” і студэнты зь неспрыяльных рэгіёнаў. Такую занепакоенасьць выказаў намесьнік міністра аховы здароўя – галоўны дзяржаўны санітарны доктар Валеры Ключановіч. Пакуль выпадкаў захворваньняў у Беларусі не зафіксавана.
Галоўны трэнер зборнай Уладзімер Крыкуноў падаў у адстаўку. Кіраўніцтва фэдэрацыі хакею краіны ў ліку кандыдатаў на вольную пасаду разглядае спартоўцаў з Расеі.
У час польска-беларускіх кансультацыяў, якія завяршыліся ў аўторак у Варшаве, была ўзгоднена большасьць пытаньняў, зьвязаных з увядзеньнем візавага рэжыму паміж дзьвюмя краінамі. Як паведамілі РІА «Новости» ў МЗС Польшчы, экспэрты замежнапалітычных ведамстваў дзьвюх краінаў у папярэднім парадку вырашылі, што аднаразовая віза для палякаў й беларусаў для ўезду ў Беларусь і Польшчу будзе каштаваць 10 даляраў, гадавая – шматразовая -- 50 эўра.
, iнформэр
