Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Курапатах зьдзейсьнены новы акт вандалізму 14:39, 15/05/2003
Як паведаміў БелаПАН прэс-сакратар Кансэрватыўна-хрысьціянскай партыі – БНФ Валеры Буйвал, ноччу вандаламі было зруйнавана 10 крыжоў на могілках ахвяраў рэпрэсіяў і моцна пашкоджаны (зьбітая вярхняя пліта) памятны знак “Ад народа Злучаных Штатаў Амэрыкі”.
“Сябры КХП-БНФ неаднаразова зьвярталіся ў міліцыю, летась была нават распачатая крымінальная справа па актах вандалізму ў Курапатах. Але ўлады не зрабілі нічога, каб абараніць нацыянальную сьвятыню”, -- паведаміў В.Буйвал.
Паводле яго, на Радаўніцу, 6 траўня, актывісты партыі, якія ўдзельнічалі ў талацэ, заўважылі прысутнасьць міліцыі на тэрыторыі народнага мэмарыялу. “Але прадстаўнікі ўладаў не заўважылі групы варвараў, -- адзначыў В.Буйвал. -- Варвараў выдалялі з тэрыторыі сьвятыні сябры нашай партыі. Міліцыя, як можна меркаваць, мела іншы загад: не дапусьціць “несанкцыянаваных мітынгаў і шэсьцяў” – звычайныя страхі антынароднай улады, звычайныя дзеяньні сілавых структураў, якія служаць не народу, а рэжыму. І вось новы акт вандалізму, які працягвае бясконцы шэраг злачынстваў супраць нашай сьвятыні й народнай памяці”.
, iнформэр
