Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь паставіла ў Маскву харчоў на 23 млн. даляраў 10:57, 15/05/2003, АгроФакт
Прадпрыемствы Мінсельгасхарчу Беларусі з пачатку бягучага году паставілі ў Маскву харчаваньня на 23 млн. даляраў ЗША, што складае адну чвэрць гадавога аб’ёму заплянаваных экспартных паставак у дадзены рэгіён.
Як паведміла начальнік замежнаэканамічнай дзейнасьці галіновага міністэрства Беларусі Тамара Усачова, за чатыры месяцы на рынак Масквы пастаўлена звыш 5 тыс. тонаў ялавічыны і 1,5 тыс.тонаў сьвініны, больш за 3 тыс. тонаў мяса птушкі. Павялічыліся таксама аб’ёмы рэалізацыі яек, выкананыя забавязкі па продажу сьметанковага масла, сухога малака й цьвёрдых сыроў, паведаміла РІА “Новости”.
Для актывізацыі паставак харчаваньня Беларусі ў Маскву ў бліжэйшы час у Менск прыбудзе група адмыслоўцаў дэпартамэнту харчовых рэсурсаў ураду Масквы. Усачова інфармавала, што ў час сустрэчы плянуецца абмеркаваць магчымасьць удзелу расейскіх інвэстараў у тэхнічным перазабесьпячэньні беларускіх пераапрацоўчых мясных, малочных прадпрыемстваў і буйных жывёлагадоўчых комплексаў.
, iнформэр
