Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Гарадзенскі ўнівэрсытэт адмовіўся ад бясплатнага рызографа, якія яму перадавала грамадзкае аб’яднаньне “Ратуша”. Саму “Ратушу” за рызограф могуць закрыць. З унівэрсытэтам была дамоўленасьць аб перадачы рызографа, і падрыхтаваныя адпаведныя дакумэнты. Але нечакана ўнівэрсытэцкі юрыст Аляксандар Васіленка паведаміў, што рызограф яны ня возьмуць. Паводле яго, так загадаў прарэктар Яўген Роўба.
На думку старшыні “Ратушы” Аляксандра Мілінкевіча, рэзкую адмову з боку ўнівэрсытэту можна патлумачыць толькі адным чынам -- маглі патэлефанаваць з аблвыканкаму й сказаць, каб ня бралі рызограф. Ён застаўся на балянсе грамадзкага аб’яднаньня.
Упраўленьне юстыцыі, нагадвае Радыё Свабода, дабіваецца закрыцьця “Ратушы” толькі таму, што аб’яднаньне мае гэты рызограф і ня мае выдавецкай ліцэнзіі. Калі б яго забраў унівэрсытэт, “Ратушу” ня было б за што закрываць. Справа знаходзіцца ў абласным судзе, але дата пакуль не прызначаная.
16 грамадзкіх арганізацыяў зьвярнуліся ў Міністэрства юстыцыі з заклікам прыпыніць ліквідацыю “Ратушы” і правесьці па гэтай справе грамадзкія слуханьні.
