Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
В Могилеве на площадке возле Дворца культуры завода искусственного волокна третий день продолжает голодовку житель деревни Зимница Могилевского района Павел Крушкин. Таким образом он протестует против нарушения его права на защиту законных интересов.
У апошні час да дзейнасьці Аб’яднанай грамадзянскай партыі і ейнага кіраўніцтва прыцягнутая ўвага шматлікіх дзяржаўных структураў і службаў. КДБ, пракуратура, Міністэрства юстыцыі, падаткавая інспэкцыя -- вось далёка няпоўны сьпіс тых, хто ўдзельнічае ў санкцыянаванай уладамі кампаніі, накіраванай супраць АГП і ейных лідэраў.
Вярхоўны суд Польшчы прызнаў, што журналісты маюць права на памылку, калі яны старанна зьбіралі й інтэрпрэтавалі факты. Гэта першы працэс у гісторыі Польшчы, які дзейны прэзыдэнт распачаў супраць прэсы.
Адзін ў з набліжаных да лідэра паўночных карэйцаў Кім Чэн Іра – 69-гадовы намесьнік начальніка аддзелу ў апараце генэральнага сакратара Працоўнай Партыі Карэі Кіль Чэ Ген – папрасіў улады Злучаных Штатаў даць яму палітычны прытулак.
У Менску вось ужо 3 дні абмяркоўваюць прамову расейскага прэзыдэнта. Той факт, што Ўладзімер Пуцін ні слова не сказаў пра бліжэйшага стратэгічнага партнэра і аб плянах будаўніцтва “саюзнай дзяржавы”, выклікала ў Беларусі эфэкт выбуху. У правячых колах у поўнай меры адчулі трывогу за цяперашні стан зносінаў з Крамлём, які працягвае патрабаваць ад беларускага боку поўнага выкананьня ўсіх дамоўленасьцяў, датычных інтарэсаў буйнога расейскага капіталу. Доказам узмоцненага мандражу ў Менску стала і незвычайна адзінадушнае ігнараваньне пуцінскай прамовы ўсімі трыма беларускімі тэлеканаламі. Без указаньняў з самага верху такія паводзіны чыноўнікаў адносна братэрскай Расеі былі б проста немагчымымі.
Нядаўна прайшло 100 дзён, як аднавіла працу місія АБСЭ ў Менску на чале з новым паслом Эбэрхардам Хайкэнам. У адрозьненьне ад папярэдняй місіі, якую чатыры гады ачольваў Ганс-Георг Вік, мандат цяпершняй абмежаваны ўсяго гадавым тэрмінам і адсутнасьцю дазволу на працу ў галіне правоў чалавека. Эбэрхард Хайкэн кажа пра сто дзён працы зь беларускім урадам з стрыманым аптымізмам. Пасол сьцьвярджае, што ў ажыцьцяўленьні праектаў у рамках мандату ў місіі ніякай напругі з уладамі не ўзьнікае -- ёсьць канструктыўнае супрацоўніцтва. Між тым у альтэрнатыўных палітычных колах новая місія падвяргаецца крытыцы: яна не інтэгруе беларускі рэжым у эўрапейскія эканамічныя й палітычныя стандарты, а сама пераўтвараецца ў зручную для афіцыйнага Менску структуру.
Дзяржсакратар “саюзу” Расеі й Беларусі Павал Барадзін можа вылучыць сваю кандыдатуру на выбарах губэрнатара Падмаскоўя. Пра гэта “Интерфаксу” паведаміла крыніца ў атачэньні Барадзіна.
Пасьля падзеньня Багдаду прайшоў месяц, а ніякай зброі масавага забойства (ЗМЗ) у Іраку ня знойдзена. Вядома, некаторыя адкрыцьці яшчэ могуць быць зробленыя. Аднак ужо сёньня крытыкі вызваленьня Іраку падвяргаюць адміністрацыю ЗША розным нападам, пачынаючы з сьцьвярджэньняў аб сур’ёзным правале амэрыканскай выведкі ажно да абвінавачваньняў ЗША ў двудушнасьці прымяняльна да сьцьвярджэньняў, што санкцыі Арганізацыі Аб’яднаных Нацыяў (ААН) і інспэктары па ўзбраеньнях эфэктоўна стрымліваюць ірацкую пагрозу.
Выбухі й стральба сталі звыклымі ў Чачэніі. Аднак колькасьць забітых на мінулым тыдні была большай нават па чачэнскіх стандартах. У панядзелак быў узарваны напоўнены выбухоўкай грузавік у мястэчку Знаменскае, Надцярэчнага раёну, у выніку чаго загінулі 59 і былі параненыя больш за 200 чалавек. Праз два дні іншай бомбай непадалёк ад мястэчка Ілісхан-Юрт, у 30 км усходннее сталіцы Грознага, былі забітыя 18 і параненыя звыш 100 чалавек.
Міжнародная Хэльсынская Фэдэрацыя па правох чалавека і Нарвэскі Хэльсынскі Камітэт зьвярнуліся з адкрытым лістом да Аляксандра Лукашэнкі, у якім заклікалі яго «спыніць адміністратыўны перасьлед няўрадавых арганізацыяў і расьсьледаваць выпадкі пагрозаў, якія прагучалі ў адрас вядомых грамадзкіх дзеячоў Беларусі». На думку праваабаронцаў, на дадзены час у Беларусі набірае моц шырокамаштабная кампанія па ўціску грамадзянскай супольнасьці. Прапануем Вашай увазе тэкст ліста Міжнароднай Хэльсынскай Фэдэрацыі па правох чалавека і Нарвэскага Хэльсынскага Камітэту ў перакладзе прэс-цэнтра Хартыі`97.
Суд Маскоўскага раёну Менску прыцягнуў галоўнага рэдактара сатырычнай газэты “Навiнкi” Паўлюка Канавальчыка да адміністрацыйнай адказнасьці. Ён абвінавачваецца ў распаўсюдзе ілжывых зьвестак, якія зьневажаюць гонар і годнасьць прэзыдэнта Рэспублікі Беларусі.
IREX-Promedia і Internews Network выкрэсьленыя са сьпісу праграмаў дапамогі, ухваленай урадам Беларусі. Больш за тое, цяпер дапамога, якая даецца незалежным мэдыям, мусіць рэгістравацца ў дэпартамэнце гуманітарнай дапамогі.
Магілёўскі абласны гаспадарчы суд адмовіў прадпрымальніку і рэдактару крычаўскай недзяржаўнай газэты “Вольны горад” Сяргею Няроўнаму ў пазове да райвыканкаму. Няроўны спрабаваў абскардзіць у судзе адмову раённай вэртыкалі ўзгадніць юрыдычны адрас рэдакцыі.
Аб тым, што супраць яго распачатая крымінальная справа, дэпутат “палаты прадстаўнікоў” Сяргей Скрабец даведаўся зь ліста старэйшага сьледчага па асабліва важных справах Пракуратуры РБ Вячаслава Цераховіча, паведамляе Радыё Свабода. Сьледчы паведаміў, што “дэпутат” падазраваецца ў вымантачваньні крэдытаў і арганізацыі злачыннай групы. Пакуль Скрабца не выклікалі на допыты, а толькі прапанавалі наведаць пракуратуру і ўзяць копію пастановы аб распачынаньні справы.
Судовыя выканаўцы вырашылі адным захадам атрымаць “пазыкі перад дзяржаваю” вядомага віцебскага апазыцыянэра Ўладзімера Плешчанкі. За ўсе свае акцыі Плешчанка быў “уганараваны” штрафамі на агульную суму 8 мільёнаў рублёў (4.000 даляраў ЗША). “Даўжніка” нават аб’явілі ў міліцэйскі вышук, хаця Ўладзімер зусім не хаваўся. Пра сваю “пазыку” ён даведаўся ў час чарговага затрыманьня на несанкцыянаваным пікеце ў цэнтры Віцебску. Прычым, як паведамляе Віцебскае абласное аддзяленьне фонду імя Л.Сапегі, пры затрыманьні супрацоўнікі пашпартна-візавай службы прыгразілі Плешчанку, што ён не атрымае візу на выезд з краіны, пакуль ня сплоціць усю суму штрафу. Сам Уладзімер гэтай заяваю быў нямалі зьдзіўлены: выяжджаць з краіны ён не зьбіраўся і ў пашпартна-візавую службу па гэтым пытаньні не зьвяртаўся.
Заяву з пратэстам супраць магчымай ліквідацыі грамадзкага аб’яднаньня “Ратуша” накіравала сёньня Гарадзенская арганізацыя Беларускай асацыяцыі журналістаў (БАЖ) у абласны суд і ўпраўленьне інфармацыі Гарадзенскага аблвыканкаму. Нагадаем, што судовая справа аб ліквідацыі “Ратушы” распачатая абласным упраўленьнем юстыцыі. Падставаю для зыску стала выкарыстаньне арганізацыяй паліграфічнага апарата - рызографу – без адпаведных дазволаў.
19 траўня ў Менск прыбыла група супрацоўнікаў Бюро дэмакратычных інстытутаў і правоў чалавека (БДІПЧ) АБСЭ. Ачольвае групу экспэртаў каардынатар праектаў Бюро Эва Чаліньска. Адмыслоўцы плянуюць прабыць у Беларусі два дні. Як паведаміў намесьнік кіраўніка менскага офісу АБСЭ Вагран Абаджан, іх мэта --абмеркаваць праграмы й праекты, якія будуць ажыцьцяўляцца ў Беларусі. Праграмы тычацца станаўленьня і ўмацаваньня грамадзянскай супольнасьці, прававых пытаньняў.
20-22 траўня адбудзецца афіцыйны візыт у Беларусь міністра абароны Рэспублікі Малдова брыгаднага генэрала Віктара Гайчука. Пра гэта паведамілі ў прэс-службе Міністэрства абароны Беларусі.
Дні культуры Беларусі ў Іране адкрыюцца 26 траўня. Пра гэта паведаміў “Интерфаксу” ў панядзелак памочнік міністра культуры Беларусі Ўладзімер Вечар. Паводле суразмоўцы, пытаньні правядзеньня Дзён культуры Беларусі ў Іране абмяркоўваліся на сустрэчы міністра культуры Беларусі Леаніда Гулякі й Надзвычайнага й Паўнамоцнага амбасадара Ірану Махамада Хашамі Гальпаегані ў Менску.
Намесьнік старшыні БНФ Юры Хадыка асуджаны да 15 сутак арышту завочна. Судзьдзя Руслан Казадаеў накіраваў пастанову суда ў міліцыю для выкананьня пакараньня. Зараз міліцыянты павінны знайсьці Юрыя Хадыку і адвезьці на вуліцу Акрэсьцна. Юрыя Хадыку абвінавацілі ў арганізацыі Народнага маршу «За лепшае жыцьцё!», які прайшоў у Менску 12 сакавіка.
Сотрудники Комитета госконтроля по Брестской области провели проверку обоснованности действующих цен и тарифов на жилищно-коммунальные услуги в Ивановском жилищно-коммунальном хозяйстве. В результате установлено, что в районе необоснованно увеличили стоимость отопления одного квадратного метра жилищного фонда, которое не оборудовано приборами учета.
Китайским студентам будет запрещено выезжать из Беларуси на родину во время летних каникул из-за распространения в мире атипичной пневмонии. Соответствующее постановление подготовлено заместителем министра здравоохранения – главным государственным санитарным врачом Валерием Ключеновичем.
Каб завяршыць працы па добраўпарадкаваньні Пружанаў да правядзеньня рэспубліканскага сьвята “Дажынкі-2003”, неабходна пераходзіць на кругласутачны рэжым працы. Пра гэта заявіў кіраўнік Адміністрацыі прэзыдэнта Урал Латыпаў 19 траўня на выязным паседжаньні Берасьцейскага аблвыканкаму, якое адбылося ў Пружанах і было прысьвечанае пытаньням добраўпарадкаваньня гэтага райцэнтру.
Як паведамляе ўпраўленьне інфармацыі і грамадзкіх сувязяў МВД Беларусі, раскрытая адна з самых гучных справаў гэтага году. У ноч з 16 на 17 траўня апэратыўнікі галоўнага ўпраўленьня крымінальнага вышуку МУС РБ сумесна з сталічнымі калегамі й супрацоўнікамі сьледчага камітэту, іншымі падразьдзеламі органаў унутраных справаў затрымалі трох падазраваных у крадзяжы дванаццаці кніг з аддзелу рукапісаў старадрукаў і рэдкіх выданьняў Нацыянальнай бібліятэкі краіны, якія маюць гістарычную каштоўнасьць. Праз дзень у рукі правасудзьдзя трапіўся яшчэ адзін.
Адносна службовых асобаў гомельскага ААТ “Белаграхарч” распачатая крымінальная справа па прызнаках злачынства, прадугледжанага часткай 1 арт.237 Крымінальнага кодэксу Беларусі – вымантачваньне крэдытаў ці датацыяў.
Мэтро, адна з галоўных сталічных славутасьцяў, заўсёды знаходзілася пад пільнай увагай саюзных і гарадзкіх уладаў. Асаблівай папулярнасьцю карысталіся станцыі, зробленыя ў ваенна-патрыятычным духу. Залі, дзе галоўнай тэмаю была магутнасьць Савейкага Войска й трыюмф Вялікай Перамогі, станавіліся шэдэўрамі. Але ледзь савецкія майстры сыходзілі ў тоўшчу часу, як пачыналіся непаразуменьні й памылкі.
На нядаўна прызначанага генеральнага дырэктара Беларускага металургічнага заводу Мікалая Андрыянава заведзеная крымінальная справа паводле арт. 317, ч.2 Крымінальнага кодэксу. Крымінальная справа на Андрыянава ў адрозьненьне ад шэрагу традыцыйных справаў супраць кіраўнікоў беларускіх прадпрыемстваў распачатая не за эканамічныя злачынствы, а за парушэньні правілаў дарожнага руху.
Беларускае даяментаапрацоўчае прадпрыемства “Гомельскае ВА “Крышталь” часова вымушанае адмовіцца ад закупу дыяментавай сыравіны ў асноўнага пастаўшчыка акцыянэрнай кампаніі “АЛРОСА” (Расея). Пра гэта паведаміў “Интерфаксу” дырэктар прадпрыемства па замежнааэканамічных сувязях Уладзімер Сядорчанка. Паводле суразмоўцы, прычынаю адмоввы ад закупак стала “неабгрунтаванае павелічэньне кошту дыяментавай сыравіны”.
З 1 студзеня наступнага году большасьць тых, хто прыяжджае ў Злучаныя Штаты замежнікаў будуць пакідаць пры ўезьдзе (у партах і аэрапортах) адбіткі сваіх пальцаў. Пра гэта паведаміў намесьнік міністра нацыянальнай бясьпекі ЗША Аса Хатчынсан, які распавёў на прэс-канфэрэнцыі, што адбылася ў панядзелак аб “U.S. Vizit” – новай сыстэме рэгістрацыі замежнікаў, якія знаходязцца ў Амэрыцы.
У Беларусі ў студзені-красавіку бягучага году ад сецяў энэргазабесьпячэньня адключана 2439 спажыўцоў-неплацельшчыкаў, паведаміў “Интерфаксу” начальнік аддзелу па працы з спажыўцамі канцэрну “Белэнэрга” Віктар Жыткевіч.
21 траўня ўрад павінен атрымаць праект дамовы аб перадачы ААТ «Горадня-Азот» у даверчае ўпраўленьне НДК «Ітэра», узгоднены ўсімі зацікаўленымі ведамствамі -- Мінэканомікі, канцэрнам «Белнафтахім» і ўдзельнікамі зьдзелкі. Сёньня відавочна, што гэтыя тэрміны будуць парушаныя, бо бакі не прыйшлі да ўзаемапрымальнага рашэньня.
, iнформэр
