Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прыдарожны бізнэс мае страты 10:56, 21/05/2003, ОНТ
Паводле дадзеных беларускага ўраду, з пачатку бягучага году прадпрыемствамі прыдарожнага сэрвісу было прададзена тавараў і аказана паслугаў на 28 мільёнаў даляраў ЗША. Пры гэтым адмыслоўцы прызнаюць, што яшчэ больш канвэртуемай валюты “праехала міма”. Пра гэта ішла гаворка на паседжаньні Савету міністраў.
Хаця статыстыка адзначае рост таваразвароту, айчынны прыдарожны сэрвіс яшчэ ня ў стане прапанаваць аўтападарожнікам эўрапейскую разнастайнасьць тавараў і якасьць паслугаў. Паказальны прыклад Віцебскай вобласьці. Праз рэгіён праходзяць дзьве міжнародныя аўтамагістралі, але даходы ад транзытных паслугаў тут упалі на 20 адсоткаў. Між тым, лічаць у Міністэрстве транспарту, трэба вярнуць на аўтатрасы краіны грузапатокі, страчаныя Беларусьсю ў канцы 90-х гадоў.
Экспэрты прызнаюць, што для стабільнага разьвіцьця прыдарожнага бізнэсу на дарогах Беларусі павінна ўдвая ўзрасьці колькасьць замежных грузаперавозчыкаў. Пакуль уладальнікі сэрвісных цэнтраў, заправак і прыдарожных кавярняў нясуць страты.
, iнформэр
