Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Улады атрымаюць зброю для ліквідацыі палітычных партыяў 11:58, 21/05/2003
Закон “Аб унясеньні зьменаў і дапаўненьняў у некаторыя законы па пытаньнях дзейнасьці палітычных партыяў і іншых грамадзкіх аб’яднаньняў”, прыняты ў першым чытаньні беларускім “парлямэнтам”, мае мэтай падоўжыць тэрмін кіраваньня Аляксандра Лукашэнкі. Такую думку выказалі “Известиям” у прэс-службе Аб’яднанай грамадзянскай партыі (АГП).
Гэты закон дасьць у рукі ўладам механізм юрыдчнай ліквідацыі палітычнай партыі цягам аднаго-двух месяцаў, адзначылі ў АГП. Лідэр партыі Анатоль Лябедзька лічыць, што прызначанныя Лукашэнкам дэпутаты адпрацоўваюць свой кавалак хлеба з маслам бруднымі прыёмамі. “Палата прадстаўнікоў”, -- адзначыў ён, -- актыўна працуе на будаўніцтве сыстэмы, якая нясе адказнасьць за зьнікненьне апанэнтаў рэжыму, за эміграцыю зь Беларусі дзясяткаў тысячаў таленавітых людзей, за адсутнасьць рэформаў”.
