Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЗША непакоіць выбарчая працэдура ў Беларусі 11:00, 22/05/2003
Самым фундаментальным пытаньнем у дыялёгу паміж Беларусьсю й міжнароднай грамадзкасьцю зьяўляецца пытаньне аб выбарчых працэдурах, заявіў амбасадар ЗША ў Беларусі Майкл Козак у час візыту ў Маладэчна (Менская вобалсьць). “Беларусы павінны прымаць рашэньні аб тым, колькі тэрмінаў мусіць быць у прэзыдэнта, хто мусіць быць прэзыдэнтам, -- заявіў дыплямат. – Мы занепакоеныя тым, якая сама выбарчая працэдура, ці ёсьць у беларусаў магчымасьць абмяркоўваць гэтыя пытаньні, ці існуе свабодная незалежная прэса, ці могуць апанэнты выказваць свой пункт погляду, ці могуць людзі не пагаджацца з меркаваньнем уладаў, а калі адбываецца галасаваньне -- ці падлічваюцца галасы правільна. Гэта адно з галоўных пытаньняў для ЗША і Эўрапейскага зьвязу “, -- перадае БелаПАН заяву амбасадара.
Паводле яго, “патрэбная сталая праца над удасканаленьнем выбарчага працэсу: зрабіць так, каб ён быў празрыстым, дакладным і зразумелым”. “Калі гэтыя працэдуры такімі зьяўляюцца, то, якім бы не было рашэньне, прынятае беларускімі грамадзянамі, -- мы павінны яго паважаць; але мы павінны зрабіць так, каб гэта было рашэньне, прынятае ўсімі беларускімі грамадзянамі, а не некалькімі”.
, iнформэр
