Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь сёлета разьмесьціць у Расеі свае дзяржаблігацыі 11:07, 22/05/2003
Беларусь плянуе разьмесьціць у 2003 годзе ў Расеі дзяржаўныя аблігацыі, намініраваныя ў расейскіх рублях. Як паведамілі ў амбасадзе Беларусі ў Расеі, з такой ініцыятываю выступіла Міністэрства фінансаў Беларусі пры падтрымцы Нацыянальнага банку краіны.
Выпуск дзяржаблігацыяў Беларусі, якія “будуць разьмяшчацца сярод расейскіх банкаў на ўмовах андэррайтынгу” плянуецца ажыцьцявіць на агульную суму да 1,5 млрд. расейскіх рублёў. Беларускі бок плянуе ажыцьцявіць выпуск гэтых памераў з парамэтрамі і на ўмовах, якія адказваюць кан’юнктуры ставак на беларускім і расейскім рынку.
Акрамя таго, Мінфін і Нацбанк Беларусі ў ІІ кварталі 2003г. плянуюць разьмесьціць сярод нерэзыдэнтаў дзяржаблігацыі, намініраваныя ў беларускіх рублях, на агульную суму да 30 млн. даляраў. Мяркуецца, што гэтыя дзяржаблігацыі таксама будуць разьмяшчацца сярод расейскіх інвэстараў.
Спробы Беларусі разьмесьціць дзяржаблігацыі на замежным рынку, як патлумачылі ў беларускай амбасадзе, зьвязаныя з тым, што Нацбанк плянуе з 2004 году адмовіцца ад прадастаўленьня Мінфіну крэдытаў на пакрыцьцё дэфіцыту бюджэту.
, iнформэр
