Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сэрбы ўступіліся за няўрадавыя арганізацыі Беларусі 14:09, 22/05/2003
Вядомая арганізацыя Сэрбіі “Грамадзянскія ініцыятывы” выступіла зь лістом у падтрымку няўрадавых арганізацыяў Беларусі. У лісьце, адрасаваным беларускім уладам, “Грамадзянскія ініцыятывы” выказваюць рашучы пратэст спробам “ліквідаваць дэмакратычныя арганізацыі ў краіне”.
Аўтары ліста адзначаюць, што сытуацыя, якая склалася з грамадзкімі арганізацыямі “Ратуша” (Горадня), “Агенцтва рэгіянальнага разьвіцьця “Варута” (Баранавічы), “Грамадзянскія ініцыятывы” (Гомель) і “Моладзевы хрысьціянска-сацыяльны зьвяз” (Менск), супраць якіх пададзеныя зыскі аб ліквідацыі, “зьяўляецца сур’ёзным парушэньнем грамадзянскіх свабодаў і правоў чалавека”, перадае БелаПАН.
Прадстаўнікі сэрбскае арганізацыі таксама заяўляюць: ім добра вядома, што значыць жыць у рэпрэсыўнай і недэмакратычнай краіне, і таму яны гатовыя аказаць беларускаму трэцяму сэктару “ўсю магчымую дапамогу, нават калі гэта патрабуе нашмат большага міжнароднага ціску”.
, iнформэр
