Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У правілах наведваньня кампутарных клюбаў беларускае сталіцы зьявіліся часовыя абмежаваньні. Зараз інтэрнэтам можна будзе карыстацца толькі пасьля прад’яўленьня пашпарту. Як паведамілі ОНТ у Міністэрстве ўнутраных справаў рэспублікі, новая мера «ўведзеная выключна для тых наведвальнікаў кампутарных клюбаў, якія пьюць, лаюцца і глядзяць порнасайты».
У праваахоўчых органах прызнаюць, што супрацоўнікаў МУС асабліва непакоіць павышаны інтарэс моладзі да так званых “жорсткіх рэсурсаў”, дзе нярэдка дэманструюцца сцэны гвалту. У прэс-службе Міністэрства ўнутраных справаў паведамілі, што новая пастанова – вынік чарговага спэцыялізаванага рэйду работнікаў міліцыі.
Разам з тым, у кампутарных клюбах лічаць, што “патрабаваньне прад’явіць пашпарт ня мае сэнсу”. Сыстэмныя адміністратары кампутарных клюбаў запэўніваюць, што ў іх порнасайты асабліва не паглядзіш – выганяць.
У той самы час, калі чарговая міліцэйская праверка выявіць парушэньні, адказнасьць панясе менавіта ўладальнік клюбу. У МУС адзначаюць, што новаўвядзеньне - мера часовая і носіць рэкамэндаўчы характар.
, iнформэр
